Unione degli Studenti
Limba Sarda Comuna. Abbàida sas àteras bariedades gràficas:
Su movimentu Unione degli Studenti (UDS) est unu sindacadu de sos istudiantes italianu chi faghet parte de sa Rete della Conoscenza. Faghet parte, a livellu europeu, de s'OBESSU, organismu chi regollit sos istudiantes de s'Europa. Su ordinadore natzionale est Roberto Campanelli. Oe cun 30.000 istudiantes est s'organismu prus mannu de s'Itàlia.
Istòria
[modìfica | modìfica su còdighe de orìgine]S'Unione degli Studenti l'ant fundada in Roma su 12 de martzu de su 1994 comente deliberatzione de unu cungressu chi b'aiant pigadu parte sas delegatziones de totu sos istudiantes de s'Itàlia. Dae su 2006 s'Unione degli Studenti est autònoma de su totu, dae cando sa CGIL at suspèndidu su Patu de Traballu chi legaiat sas duas organizatziones.
Sos printzìpios de su movimentu sunt: s'egualidade, sa democratzia, sa laitzidade, sa solidariedade e s'antifascismu.
S'organizatzione faghet parte de sa manca sotziale in Itàlia.
S'assòtziu est abertu a totu sos istudiantes chi nde cumpartzant sos printzìpios e sos programmas, chene pigare in cunsideru diferèntzias in contu de religione, opinione polìtica, natzionalidade, professione o orientamentu polìticu o sessuale.
Ligàmenes esternos
[modìfica | modìfica su còdighe de orìgine]- (IT) Situ ufitziale, in unionedeglistudenti.it. URL consultadu su 25 làmpadas 2021 (archiviadu dae s'url originale su 2 maju 2021).