Berona

Articulu in logudoresu

Verona, Piazza Bra

Mapa de sa provìntzia de Verona

Berona (in italianu Verona)est una comuna italiana de 252.065 abitadores, cabitale de sa provìntzia bèneta a su matessi nùmene.

Est sa de doighi comunas italianas pro pobuladura, gasi che sa de duas comunas prus pobuladas de Itàlia chi non siat cabitale rezionale.

Sa tzitade iscalìzera est unu destinu turìstigu importante, bisitadu onzi annu dae prus de tres milliones de pessones in birtude de sa richesa sua artìstiga e architetòniga, e pro sas numerosas manifestadas internassionales chi s'isvilupant in ie.

Sa tzitade est istada decrarada patrimòniu de s'umanidade dae s'UNESCO pro s'istrutura sua urbana e pro s'architetura sua: Berona est s'isempru craru de una tzitade chi s'est isvilupada in manera progressiva e sighida in tempus de duamiza annos, integrende elementos artìstigos de calidade arta a beru de sos diferentes perìodos chi si sunt sutzèdidos; in prus de custu, rapresentat in modu istraordinàriu su cuntzetu de tzitade fortifigada in prus fases determinadoras de s'istòria europea.