Wikipedia:Ricerca

Adempriviu: Est un'usantza, chi benniri de unu tempus passau, de su cali est stetia perdia memoria, chi tenianti is "comunistas" ( is componentis sa Comunidadi chi biviant in totus is Biddas de Sa Sardigna) de arregolli is fruttus de sa terra in su sartu, foras de is ortus, de is bingias e de is terrenus a biddazoni e paberili, e in monti.

Custas usantzas permittiant a is brebegaxus, is crabaxus, is procaxus, is allevadoris de bois e quaddus e de abis, de pasci in su comunali e a is atrus comunistas de fai lina, abortas de arai e seminai,e de piscai in is arrius e in is stangius.

Fintz'e sa cassa, sa paradura de is tasonas po is pillonis, s'arregota de su landiri, sa scomadura, po su bestiamini, de is ollastus e de s'ilixi, candu fiat frius meda, e s'arregota de s'ottigu e de su cardulinu, de su sparau e de tottus is erbas medicamentosas,fiant parti de custa usanza chi no podiat e ancora no podit impediri nisciunus.

Sa domanda de calencunu principali Piemontesu, in s'ottuxentus, de affittai terrenus po traballai is arrexinis de su cadrilloni po produxi spiritu est stetia arrefurara de is consilus comunitativus po cussa arrexoni; cumenti, e sa cosa ha rappresentau una bincida manna po totu is sardus, sempri a fini de s'ottuxentus,su Rei ndari arrettirau sa lei chi espropriada is padentis e is forestas po dasa donai a is Ingresus po fai is ferrovias in Sardigna. Aldo Cappai Sinnai