Windhoek

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Windhoek

Posidura in Namìbia

Windhoek est una tzitade africana de unos 322.500 bividores, capitale de sa Namìbia.

Sa tzitade est istada fundada in su 1838, est oe in die bìvida massimamente dae gente de iscratza tedesca, nama, afrikaans, herero, ovambo, damara, metitzos e àteras etnias nadias de Namìbia. Su grupu ètnicu majoritàriu sunt is biancos (30% de sa populatzione).

Est su puntu focale de sa vida in su paisu e in ue si nde controllat totu s'atividade polìtica e econòmica. Su nùmene derivat de s'afrikaans e signìficat "ingrone bentosu". Est fintzas connota cun àteros duos nùmenes: Ai-Gams pro is Namas (nùmene chi si referit a is mitzas de abbas caentes chi unu tempus faghiant parte de sa tzitade) e Otjomuise (chi signìficat "logu de su pampore") pro is Herero.

Sa tzitade s'agatat in un'altura a unos 1.600 metros subra su livellu de su mare. Su clima est sicu temperadu, cun temperaduras mèdias chi bàntzigant intre is 7 °C e 21 °C in làmpadas e trìulas e intre is 18 °C e 31 °C in nadale, mancari si siant registradas mìnimas de -4 °C e màssimas de 36 °C.

Windhoek fiat in printzìpiu su tzentru de unu capu nama, chi aiat bintu a is bividores herero de sa regione in su sèculu XIX. Sa Germània aiat ocupadu sa regione in su 1885, e fiat fata sede de su règimene coloniale in su 1892 che a capitale de sa colònia de s'Àfrica de su Sud-ovest tedesca (Deutsch-Südwestafrika). Durante sa Prima Gherra Mundiale, Windhoek fiat istada ocupada dae tropas sudafricanas e sa colonia fiat fata domìniu britànnicu. Fintzas a s'indipendèntzia de sa Namìbia in su 1990, Windhoek est istada reconnota che a capitale de s'Àfrica de su Sud-ovest amministrada dae su guvernu sudafricanu. Oe sighit essende sa capitale de sa Repùblica de Namìbia.