Yukon

Dae Wikipedia, s'entziclopedia lìbera.

Coordinatas: 60°43′15.1″N 135°03′11.63″W / 60.72086°N 135.05323°W60.72086; -135.05323

Flag of the Italian region Sardinia.svg
Articulu in LSC
Flag of the Italian region Sardinia.svg

Su Yukon, inditadu in ruju in sa mapa de su Cànada
Bandera de su Yukon

Su Yukon est unu territòriu de su Cànada de norti-uestu. Sa capitale est Whitehorse.

Su nòmine de Yukon benit de su de su frùmene prus mannu chi bi colat.

Cun isterrida de unos 480.000 km2, est su minore intre is territòrios canadesos. Cun populatzione de unos 34.000 residentes, benit a èssere su logu prus pagu populadu de s'istadu a fatu de su Nunavut.

Allàcanat in s'estu cun is Territòrios de Norti-Uestu, in su sud cun sa Colùmbia Britànnica, in s'uestu cun s'istadu federadu USA de Alaska e in su norti tenet bessida in su Mare Àrticu.

S'istitutzione de su Yukon a territòriu torrat a coa in su 1898, ischirriende·ddu de is Territòrios de Norti-Uestu. In cuddos annos at tentu logu sa cursa a s'oru de su Kolondike e sa populatzione fiat duncas crèschida. Fintzas a su 1953 sa capitale fiat Dawson City.

Su clima est in manna parte de su territòriu sub-àrticu, cun ierros longos e fridos e istades curtzas a caentes. In su 1947, in is intòrinos de sa bidda de Beaver Creek, pagu a tesu de s'Alaska, est istada mesurada sa temperadura de -63°, sa prus bàscia connota in s'Amèrica de Norti.

S'economia s'apoderat meda subra s'estratzione de prumbu, zincu, prata e oru. Sa bogadura de su petròliu at a èssere de siguru sa faina printzipale in su benidore.