American Pie

Dae Wikipedia, s'entziclopedia lìbera.

American Pie est unu film commedia de su 1999 dririxu de Paul Weitz e Chris Weitz e scrittu de Adam Herz. Est stetiu su primu film ca is duus fradis Weitz appant dirixu paris. At godangiau meda a su botteghinu e ddi anti fattu duus film de segus derettu: American Pie 2 in su 2001, American Pie - Il matrimonio in su 2003, e unu film po su mercau de su video e bia, collegau a sa serie, American Pie - Band Camp, in su 2005. In mau de su 2006 s'est incumenciau a girai un atru seguitu, American Pie - Nudi alla meta, e su 2008 est s'annu de American Pie Presents: Beta House, bessiu in is salas a is primus de su mes'e Idas de su 2007. Su 2 de ognassantu de su 2009 est essiu su cuartu spin-off de sa serie: American Pie Presents: Book of Love. In su 2010 est stetiu annunziau unu sequel cun su cast de sa trilogia originali: American Pie: Ancora insieme, essiu su 5 de mau de su 2012.

Trama[càmbia | edit source]

Jim Levenstein, Kevin Myers, Paul Finch e Chris Ostreicher funti cuattru amigus ca funti po acabbai s'urtimu annu de su liceu e meda pigaus de sa virginidadi insoru. Acabbada s'ennesima festa senz'e cumbinai nudda, decidint de fai su pattu de s'axudai s'unu cun s'atru po coddaidi primu chi accabit s'annu scolasticu. S'urtima occasioni est sa festa in domu de su meda spertu Stifler in riva a su lagu, auba tottus andant candu est accabbau su ballu de s'acabu 'e s'annu in sa palestra de sa scola.

Jim Levenstein est tottu pigau de Nadia, maravigliosa studentessa cecoslovacca. Jim provat a mandai a is amigus is immaginis de Nadia ca si spoxat bia Internet, po mediu de una webcam, ma bolendu po forza tenni unu un rapportu cun issa arrenescit a tenni duus orgasmus unu in fatu a s'atru sfiorandudedda appenas. Sfortunadamenti po issu, po curpa de unu sbeliu custas immaginis benint bittas de totu sa scola e issu at a perdiri credibilidadi in facci a tottus is piccioccas a parti Michelle, una picciocca sbentiada sonadora de flautu. Jim dd'at a cumbidai a su ballu de sa scola e at a perdiri sa verginidadi cun issa (ca at a biri meda prus scipia de su chi parit), a sa festa de Stifler.

Steve Stifler si distinghit subitu de is atrus po sa sua insolenzia e po su particulari interessi de andai a lettu cun cantu prus piccioccas possat, po custu si fait mutiri "Stiffmeister" (a cantu narat issu, maistru de su sessu in tedescu). Est fixu de Janine e Eric Stifler, ca funti divorziaus, e i tenit unu fradi prus piticu, Matt Stifler. Tenit in prus tres fradilis, Dwight Stifler, Eric Stifler e Scott Stifler. Is suus miglioris amigus de su liceu funti Jim Levenstein, "Oz", Kevin Meyers, e Paul Finch.

Kevin Myers est sposu de meda tempus cun Vicky e no at ancora tentu rapportus sessualis cun issa, poitta issa no si dda intendit. In su mentris de sa storia cumprendit ca dd'at a deppi fai benni gana e coddai faenduddeddi tenniri unu orgasmu. Po custu benit axudau de su fradi prus mannu, ca ddi contat de s'esistenza de una specia de Bibbia po is amantis, cuada in ddunu ingroni de sa biblioteca. Peri Kevin e Vicky ant'a tenni su primu rapportu sessuali insoru a sa festa de s'accabu 'e annu de Stifler, ma issa dd'at a lassai su dis' in fatu po no tenni una storia a tesu, poita ant'a andai a frequentai universitdis a tesu intr'e issas.

Chris Ostriecher tenit a paranixu GnocBuster (s'accioccatopis) po sa sua bellezza e su suu fisicu atleticu. Eppuru est troppu rozzu po sa media de is piccioccas. Giogat a lacrosse ei est in dduna squadra cun Stifler, ma po tenniri unu rapportu sessuali a intru 'e s'accabbu de s'annu scolasticu imbuccat in su coru gospel de sa scola. Inolla connoscit Heather, durci, casta e sensibili picciocca, ca arrenescit a ddu cambiai: su cruu GnocBuster diventat su grandu sensibili Chris. Peri issu at a perdiri sa verginidadi a sa festa de Stifler, e intr'e Chris e Heather nascit una storia de amori ca at a durai e a s'evolviri in su segundu capitulu de sa serie.

Paul Finch est su personaggiu prus particulari de su grupu: acculturau, masedu e distaccau, no buffat birra ma licòris, preferrit su mokaccinu a su caffèi, timit a is bagnus publicus e po custu andat a su bagnu a domu in is negli barrilocas. Stifler dd'at a ponniri po custu su paranixu de "Pausa Merda". A pustis de s'essi costruiu una immagini meda virile, perdit ogna credibilidadi candu Stifler dd'at a bettai unu lasciativu in su mokaccinu: cun sa pressi de andai in bagnu, Finch imbuccat in su de is feminas. A pustis de essi fattu assustrai unu grupu de piccioccas po curpa de is suus troddius, benit sfuttiu de tottus candu at a bessiri de su bagnu. At a arrenesciri su prpriu a tenniri unu rapportu sessuali a s'accabbu de s'annu scolasticu, coddandu cun sa mamma de Stifler, una femina praxenti capassa de scadenai is ormonis de is piccioccus de su liceu, in dduna scena ca nomenat bastantementi esplicitamenti su film Il Laureato de Mike Nichols (s'intendit sa cantzoni Mrs. Robinson).

Personaggius[càmbia | edit source]

Jason Biggs interpretat Jim
  • Jim Levenstein (Jason Biggs) - Jim est su protagonista de su contu e i est su classicu picciocconi americanu in prenu svilupu ormonali, un pagu managu cun is piccioccas, ma meda fidau cun is amigus. Tenit a nomingiu Jimbo.
  • Kevin Myers (Thomas Ian Nicholas) - Unu de is pagus cumponentis de su grupu ca parit essiri intelligenti, difatis bolit divenniri abogau. Est sposu cun Vicky, ma a pustis de essi passau sa notti cun issa a sa festa de s'accabbu 'e annu, benit lassau po una impossibili relazioni de tesu.
  • Chris "Oz" Ostreicher (Chris Klein) - Chris est su bellu de sa ghenga, atleticu e sportivu, ma ca no arrenescit a a ciccai contus a nisciuna picciocca sigomenti tenit s'animu rozzu e maschilista. S'amori po Heather, corista gospel de sa scola, dd'at a cambiai meda.
  • Paul Finch (Eddie Kaye Thomas) - Paul est su prus raffinau de su grupu, si pensat prus maturu de is suus amigus. Timit a is bagnus pubblicus, ca ddu coartat a andai sempri a su bagnu de domu sua in su mentris de sa pausa e po custu Stifler dd'at postu comenti nomingiu Pausa Merda. In segus at a fai sessu in pissu 'e una mesa de biliardu cun sa donosa mamma de Stifler, divenendu una leggenda in sa cittadina.
  • Steve Stifler (Seann William Scott) - Si auto-nomenada Stifmeister (po su chi narat issu, Maistru de su Sessu, in tedescu). Ind'est difatis ossessionau, si narat medas bortas comentus malus e i est sempri strugnu e altivu.
Shannon Elizabeth interpretat Nadia
  • Victoria Lathum (Tara Reid) - Vicky est paranoica e pretenziosa, bolit una prima borta perfetta po mollai su poberu Kevin a pustis de sa festa in domu de Stifler poitta no creit a una relazioni de tesu stabili cun su piccioccu.
  • Jessica (Natasha Lyonne) - amiga prus manna e cunfidenti de Vicky, est a nai "Finch" fattu a femina.
  • Nadia (Shannon Elizabeth) - Stupenda picciocca cecoslovacca, interessada a Jim, ca s'amacchiat po issa, ma po medas motivus no arrenescit mai a nci fai nudda.
  • Michelle Flaherty (Alyson Hannigan) - Michelle sonat su flautu a su campu de sa banda, parit infantili e tontassa, a su contrariu de sa sua bera personalidadi. Andat a lettu cun Jim a sa festa de Stifler ma ddu lassat subitu.
Alyson Hannigan interpretat Michelle
  • Heather (Mena Suvari) - Heather est una picciocca ca cantat in su coru, si pensat pura e casta, a differenzia de is amigas suas. In beridadi ddu est, s'at a ponniri paris cun Chris a pustis ca issu fait bessiri a foras in prenu su suu animu sensibili.
  • Noah Levenstein (Eugene Levy) - Su sennori Levenstein est su babbu de Jim, issu peri chi no est prus giovunu sorprendit su fixu cun cunsixus insolitus, ma meda preziosus e peri grandu spassiosus.
  • Janine Stifler (Jennifer Coolidge) - Est sa mamma de Stiffler, comenti nanta tottus grandu ermosa. Is studiantis - in particulari John e Justin - bidendudeddi una foto appiccada a is murus dda etichettant a lestru comenti M.I.M.F., est a nai in italianu mamma che io mi farei, mama ca m'ia a fai, (una furriadura de s'americanu MILF, est a nai mother I'd like to fuck). Janine est caratterizzada de su fattu ca at tirau Paul Finch a lettu una borta in dogna episodiu de sa serie.
  • Chuck Sherman (Chris Owen) - Chuck unu piccioccu fissau cun Terminator, tanti ca si ponit a paranixu Sherminator cumbintu de 'nc'arrenesciri cun is piccoccas, ma in beridadi no 'nci dda fait mai, e comenti Finch peri issu benit arreulau medas bortas de Stifler.

Colonna Sonora[càmbia | edit source]

  1. Matt Nathanson - "Laid"
  2. Third Eye Blind - "New girl"
  3. Sum 41 - "In Too Deep"
  4. Tonic - "You Wanted More"
  5. blink-182 - "Mutt"
  6. Sugar Ray - "Glory"
  7. Super TransAtlantic - "Superdown"
  8. Dishwalla - "Find Your Way Back Home"
  9. Bic Runga - "Good Morning Baby"
  10. Shades Apart - "Stranger by the Day"
  11. Bachelor Number One - "Summertime"
  12. Goldfinger - "Vintage Queen"
  13. Bic Runga - "Sway"
  14. Loose Nuts - "Wishen"
  15. The Atomic Fireballs - "Man with the Hex"
  16. Nine Days - "Story of a Girl"
  1. Jimmy Eat World - "The Middle"
  2. Harvey Danger- "Flagpole Sitta"
  3. Barenaked Ladies - One Week
  4. blink-182 - "Every time i look for you"
  5. The Ventures - "Walk don't run"

Slogan promozionalis[càmbia | edit source]

  • «There's something about your first piece.»
    «Su primu testu no si scarescit mai.»
  • «Save the best piece for last.»
    «S'urtimu inconi est sempri su mellus.»

Premius[càmbia | edit source]

Su film at bintu unu Blockbuster Entertainment Award, unu Golden Slate e unu Young Hollywood Award in su 2000.