Baltimòra

Dae Wikipedia, s'entziclopedia lìbera.

Coordinadas: 39°17′N 76°37′W / 39.283333°N 76.616667°W39.283333; -76.616667


Articulu in logudoresu

Bartimòra (in ingresu: Baltimore) est una tzidade de sos IAA. S’agatat in s’Istadu de su Maryland e nd’est sa tzidade prus manna, gasi comente sa de 24 de totu sa paìsu. Est posta in s’arzola tzentrale de s’Istadu a longu de sa parte suzeta a sas marès de su riu Patapsco, unu bratzu de sa Baìa de Chesapeake. In ingresu, sa tzidade in sese est narada fitianu Baltimore City pro la diferentziare dae su contadu de Bartimora a inghìriu.

Fundada in su 1729, Bartimora est su de duos portos prus importantes de sa parte atràntigu-tzentrale de sos Istados Aunidos e su prus a curtzu de sos mercados de sa parte tzentru-otzidentale de su paìsu. Su portu de Bartimora fiat istadu una die su de duos portos de intrada a longu de sa costera levantesa prus impreadu dae sos emigradores a sos IAA e unu tzentru importante de maniestos. A pustis de unu decrinu in sos maniestos, Bartimora si fiat iscostiada in sa deretura de un’economia orientada chirru a sos servìtziu.

Cun 620.961 bividores in su 2010, sa pobuladura de Bartimora est minimada de su tres-unu dae su cùcuru de su 1950. S’arzola metropolitana de Bartimora est crèschida constantemente finas a arribare a unos 2,7 milliones de bividores in su 2010, devenende sa de 20 arzolas metropolitanas de sa nassione. Bartimora est finas una de sas tzidades printzipales de s’arzola istadìstiga manna cumbinada Baltimora-Washington, chi tenet una pobuladura de 8,4 milliones de bividores pagu prus o mancu.

Moiat dae Bartimora su primu caminu de ferru de passizeris in s’istòria de sos Istados Aunidos, est a narrer sa lìnia Baltimora-Ohio, abarrada in servìtziu dae su 1828 a su 1987. A dies de oe, est possìbile a nde bisitare su museu.

In mesu de s’àteru, Bartimora est una de sas tzidades ameriganas chi ant atraìdu de prus s’emigradura dae sa Grètzia: in bidda, sos sambenados gregos sunt meda frechentes, gasi comente sas tabernas tìpigas ellènigas. Finas sas comunidades italianas e sardas sunt numerosas, che in totu sas tzidades mannas de su nordu-estu de sos Istados Aunidos.

S’ispetzialidade coghinale bartimoresa prus cunnota est su càvuru biaìtu, chi si podet saborare in totu sos restorantes de coghina logale o istadunidesa in zenerale.

Pàginas curreladas[modìfica | modìfica su còdighe de orìgine]

Baltimora (LSC)