Sardos
Articulu in logudoresu
Sos sardos sun sa populatzione chi vivet in s'ìsula de Sardigna. Sun unu gruppu etnicu, sun istados reconnotos che "pòpulu sardu" in su 1948 e costituin sa minoranzia linguistica pius manna intr'e sas chi sunt istadas reconnotas finas a oe dae s'istadu italianu.
[acontza] Orìgine
Su populu sardu oe connotu derivat dae pòpulos chi fin bennidos dae sa penisula iberica e dae sa penisula italica attravers'e su ponte naturale costituidu dae s'ìsula chi s'agatat prus a curtzu de sa Sardigna, sa Còssiga; si fint unidos e apaghiados, in s'edade de su brunzu creaiant sa nòdida tzivilidade nuraghesa. Sos sardos nuraghesos (chi si podiant distinghere intre etnias varias, comente sos Balaros, Ilienses e Corsos) si depent assotziare, sicund'e tzertos istudios, a sa populatzione cramada Shardana.
[acontza] Limba
Anda a bier puru: sardu, italianu, galluresu, tàtaresu, aligheresu, tabarchinu.
Sos sardos umpare a s'italianu faeddant su sardu, limba nou-latina reconnota comente ufitziale a paris de sa nazionale in su 1997, a pustis de medas peleas chi punnaiant a cust'iscopu, ma puru ateras limbas chi sardas no sunt e costituint minorias, comente a su galluresu, cunsideradu dae unos cantos che unu limbazu autònomu, o unu cossu simile a cussu de sa tzidade 'e Sartene, o isulas linguisticas a sese, che a su Saligheresu, una variante de su catalanu orientale, su venetu in Fertilia, Maristella, Arborea. Sicund'e un'istudiu de sa regione, su sardu lu diant connoschere unos 1.495.000 pessones e faeddare unos 1.000.000, a fronte de su 3% ebbia chi naraiat de no lu connoschere, de no lu cumprender. Ana finas signaladu chi b'est s'arriscu chi, si no si bi ponet remèdiu, su sardu, in pagu tempus, diat poder bintrare ind'unu protzessu de estintzione.
[acontza] Religione
Sa mazore parte de sardos est catòlica.
