Batalla de Midway

Dae Wikipedia, s'entziclopedia lìbera.
Bae a: navigadura, chirca
Icona
Icona
Custu artìculu non est galu in mancuna categoria.
(castia inoghe pro sos articulos senza categoria, e s'elencu de sos articulos senza mancuna categoria)
WikiAiutare.pngCustu artìculu non sighit sas regulas: agiuda a lu megiorare sighende su istile de Wikipedia.

Sa batalla de Midway in s'Otzèanu Paghiosu fiat istada una de sas batallas navales prus importantes de sa segunda gherra mundiale. Intre su 4 e su 7 de làmpadas de 1.942, petzi ses meses a pustis de s'atacu zaponesu contra a Pearl Harbor, e unu mese a pustis de sa batalla de su Mare de Coraddu, sa Marina de sos Istados Aunidos aiat repèllidu in manera detzisiva s'atacu de sa Marina Imperiale Zaponesa contra a s'Atollu de Midway, causende dannos irreparàbiles a sa frota zaponesa. John Keegan s'istoriadore militare aiat definidu sa batalla “su corfu prus istrepitosu e detzisivu in s'istòria de sos cumbates navales”. Pro su Zapone fiat istada sa peus derrota navale de sos ùrtimos 350 annos.

S'operadura zaponesa, che s'atacu anteriore contra a Pearl Harbor, teniat sa finalidade de eliminare sos Istados Aunidos comente potèntzia istratèziga in su Paghiosu, dassende duncas terrinu lìberu a su Zapone in s'istabilonzu de sa Grandu Isfera Pròspera de s'Asia Orientale. Sos zaponesos isperaiant chi un'àtera derrota demoralizadora diat aer custrìnghidu sos Istados Aunidos a cabitulare in sa gherra de su Paghiosu e chi custu diat aer asseguradu sa dominadura de su Zapone in cussu otzèanu.

Su pranu zaponesu fiat a atraigher in un'artana sas arrima-aparèchios istadunidesas. Sos zaponesos, in prus de custu, teniant s'intentu de ocupare Midway comente parte de unu pranu grobale de isterrer su perìmetru defensivu issoro in responsta a s'interventu raju de Doolittle. Custa operadura fiat aguarmente cussiderada amaniadora de atacos annanghedores contra a sas Fizi, sas Samoa e sas Hawaii etotu.

Sos puntos dèbiles de su pranu cunsistiant in sas prebisuras erradas de sos zaponesos in contu de sa reassione amerigana e in s'inadeguadura de sos arringheramentos initziales. In particulare, sos decodifigadores ameriganos fiant istados a tretu de apostivigare sa data e su logu de s'atacu, permitende a sa Marina Istadunitesa antisavèrtida de amaniare un'impostada sua pròpia. Bator arrima-aparèchios zaponesas, Akagi, Kaga, Soryu e Hiryu, chi faghiant parte de sa fortza de ses arrima-aparèchios chi aiant lantzadu s'atacu contra a Pearl Harbor ses meses in antis, gasi che un'agrugadore mannu, fiant istadas afundadas a su costu de un'arrima-aparèchios e una destruidora amerigana. Su fraigamentu de naes e sos programmas de insajadura de sos pilotos dae bandas zaponesas fiant istados incapatzos de mantenner su passu in su sustituinzu de sas pèrdidas issoro in s'ìnteri chi sos IAA aumentaiant in modo costante sa fortza issoro in ambos domìnios.