Guinea Ecuadoriale

Dae Wikipedia, s'entziclopedia lìbera.

Coordinadas: 1°30′N 10°00′E / 1.5°N 10°E1.5; 10


Artìculu in LSC

Bandera
Posidura in su continente africanu

Sa Guinea Ecuadoriale o Guinea Ecuatoriale, ufitzialmente Repùblica de Guinea Ecuatoriale (in ispagnolu República de Guinea Ecuatorial, in frantzesu République de Guinée équatoriale, in portughesu República de Guiné Equatorial), est un'istadu de s'Àfrica tzentrale. Sa capitale est Malabo.

De s'Àfrica continentale sa Guinea Ecuatoriale est su tres de is prus istados minores in trèmenes de superfìtzie (a pustis de su Gàmbia e Gibuti) e unu de is prus minores pro populatzione: s'istèrrida de su territòriu est de 28.051 km², e contat isceti 676 000 bividores segundu sas istimas ONU de su 2009[1], 1.014.999 segundu su tzensu de su 2001[2] o 1.222.422 segundu su de su 2015. Is limbas ufitziales de sa natzione sunt s'ispagnolu, su frantzesu e su portughesu.

Sa zona continentale (su Rio Muni) allàcanat cun su Camerùn a norte, cun su Gabòn a estu e a sud e cun su Golfu de Guinea a ovest. In sa costa s'acarant is ìsulas minores de Elobey Chico, Elobey Grande e Corisco. Sa parte insulare est costituida dae s'ìsula de Bioko (fintzas a su 1970 Fernando Pó), subra chi est situada sa capitale Malabo, a 160 km prus a nord-ovest de sa costa de su Rio Muni e de s'ìsula minore de Annobón posta a sudovest, a tesu 500 km dae sa costa continentale equatoguineana e 600 km dae Bioko. Custa faghet de sa Guinea Ecuatoriale su solu istadu africanu chi, puru no essende un'istadu insulare, tenet capitale posta in un'ìsula in logu de su continente.

Referèntzias[modìfica | modìfica su còdighe de orìgine]

  1. Department of Economic and Social Affairs Population Division, World Population Prospects, Table A.1 (PDF), United Nations, 2009. URL consultadu su 22 freàrgiu 2011 (archiviadu dae s'url originale su 15 ghennàrgiu 2016).
  2. Evolución y Distribución de la población total por sexo y región, dgecnstat-ge.org. URL consultadu su 2 freàrgiu 2021 (archiviadu dae s'url originale su 22 nadale 2012).

Àteros progetos[modìfica | modìfica su còdighe de orìgine]