Lista telefòniga

Dae Wikipedia, s'entziclopedia lìbera.

Sa lista telefònica, o ghia telefòniga, est una pubrigadura chi cuntenet nùmenes e nùmeros de telèfonu privados, ordinados in manera arfabètiga e agrupados pro comuna (Pàzinas arbas) o pro categoria cumertziale (Pàzinas grogas).

Itàlia[modìfica | modìfica su còdighe de orìgine]

Pubrigados a sa prima in iscrusividade dae una sotzietade cuntrollada dae sa monopolista SIP, sa pubrigadura de sas listas telefònigas in Itàlia est istada liberalizada in sos annos noranta de su sègulu coladu.

In fatu de s'adotamentu de unos cantos probidimentos dae bandas de s'Autoridade Garantidora pro sa privatzitade, sas sotzietades telefònigas ant dimandadu a sos abonados a sos servìtzios issoro pròpios unu cunsentimentu “lìberu, diferentziadu e revogàbile”, permitende-lis de detzider in modu lìberu si cherent cumparrer in sas listas e comente lu cherent fagher.

Sas listas telefònigas de oe podent cuntenner finas sos nùmeros de telemòbile.

Isvìtzera[modìfica | modìfica su còdighe de orìgine]

Sa prima lista telefòniga est cumparta in su 1.880 in sa tzitade de Tzurigu comente lista de abonados de sa “Zürcher Telephon-Gesellschaft” de tando, cun 98 nùmenes ebia. Sa tzitade de Basilè aiat sighidu s'isempru zai in su 1.881, pubrighende una lista cosa sua. Sa lista telefòniga aiat cunnotu un'ispainadura lestra in Isvìtzera. Zai in su 1.900, fiant rezistrados 38.000 usuàrios, in su 1.959 nche fiat istadu sizidu su zannile de su primu millione, e oe bi sunt unos 4,3 milliones de postos.

Dae su 2.013, sunt disponìbiles sas listas telefònigas noas rezionales numenadas “Local Guide”, pubrigadas dae local.ch. Sa lista telefòniga de pabiru, cun unas 100 edissiones rezionales, sustìtuit totu sas listas atuales de s'Isvìtzera. Sa “Local Guide” cuntenet sas pàzinas arbas e grogas cunnotas cun sos nùmeros de telèfonu e sos aderetos de impresas e usuàrios privados de s'Isvìtzera. Sa “Local Guide”, in prus de custu, proponet una parte redale cun informaduras de caràtere rezionale. Sa “Local Guide” est imprentada in pabiru retzirculadu a su 100%.