Rem Koolhaas

Dae Wikipedia, s'entziclopedia lìbera.
Rem Koolhaas
«  Koolhaas est unu fenomenu mediaticu. Basau de sa fama, est accetau peri de cussu establishment ca, in teoria, dd'iat a appetigai ma ca, connoscendu beni is regulas de su poderi, no s'at a sonnai mai de essi artivu cun chini si fait una posizioni »
( Luigi Prestinenza Puglisi, in Dutch Touch de Michele Costanzo e Hans Ibelings)

Remment Koolhaas nau Rem (Rotterdam, 17 de ognassantu de su 1944) est unu architetu, urbanista e saggista olandesu, de is prus nomenaus in su mundu.

Biografia[càmbia | edit source]

De is prus influentis teoricus de s'architetura de oi, calincunu de is librus suus funti best seller. In su 1975 fundat cun Madelon Vriesendorp e Elia e Zoe Zenghelis s'Office for Meropolitan Architecture (OMA), in 1977 at a divenni socia peri Zaha Hadid. In su 1999 at fundau peri AMO (Architecture Media Organization), unu think tank, ca publicat peri librus, dedicau a cosas teoricas de s'architettura e prus in generali de sa cultura, s'identidadi e s'organizazioni sociali.

In su 1978 scriit Delirious New York, testu ca dd'onat a lestru fama internazionali. In custu libru, contandu sa storia de New York e de is edificius suus, cicca de spiegai poitta una citadi casi po nudda pianificada apat donau forma a su tempus nostru cun dd'unu ettu comenti no nci funti arrenescius a fai is architetus de su Movimentu Modernu cun is utopias metropolitanas insoru. In su libru affermat

« New York est arrenescia a produsiri sa cultura de sa congestioni e, in prus, est arrenescia a esprimiri sa tecnologia de su fantasticu, unu ideali ca forsis tenit pagu cosa 'e fai cun is regulas de sa composizioni architetonica ma ca, in beridadi, arrenescit a produsiri edificus certu no prus pagu de importu de cussus ca bessint de is academias, beccias o noas, de is scolas de architetura nostras »


In su 1980 est unu de is architetus mutius de Paolo Portoghesi a sa Biennali de Venezia po pigai parti a s'installatzioni "Strada Novissima", ca at a divenni manifestu de s'Architettura postmoderna.

In su 1995 S, M, L, XL: Small, Medium, Large, Extra-Large affrontat torra su tema de sa modernidadi in sa sua antitetica estraneidadi a is regulas de s'architettura de sa tradizioni.

In Junkspace teorizzat sa chi ddi narat bigness, 'olendu nai s'architettura estrema po dimensionis, po complessidadi, ca diventat una citadi in sa citadi:

« Totu paris, custas zaccaduras – cun sa scala metrica, cun sa composizioni architettonica, cun sa tradizioni, cun sa trasparenzia, cun s'etica – implicant sa zaccadura definitiva, de s'arraixini: sa Bigness no fait prus parti de calincunu tessudu »

Su messaggiu prus importanti de sa bigness est, a cantu narat, Rem Koolhaas:

« Fanculo il contesto! »


De calincunu cunsiderau su primu de is archistarTemplate:Sf, frequentadori de eventus mundanus[1], de su legami suu cun Miuccia Prada[2] est nascia una collaborazioni longa ca dd'at fatu fai is stores de sa maison in New York e Los Angeles e puru pariccius allestimentus in is sfiladas.

Cronologia[càmbia | edit source]

Sa Kunsthal de Rotterdam

Calincunu progetu[càmbia | edit source]

Spui Station, S'Aia

Notas[càmbia | edit source]

  1. http://www.prestinenza.it/articolo.aspx?id=138
  2. http://www.vogue.it/encyclo/architettura/p/prada-e-rem-koolhaas

Bibliografia[càmbia | edit source]

  • Rem Koolhaas, Delirious New York. Un manifesto retroattivo per Manhattan, curau de M. Biraghi, Milanu, Electa 2001
  • Rem Koolhaas, Junkspace. Per un ripensamento radicale dello spazio urbano, curau de G. Mastrigli, Macerata, Quodlibet 2006
  • Rem Koolhaas, S, M, L, XL: Small, Medium, Large, Extra-Large, Monacelli Press 2006
  • Rem Koolhaas, Singapore Songlines. Ritratto di una metropoli Potemkin... o trent'anni di tabula rasa, curau de M. di Robilant, Macerata, Quodlibet 2010

Bibliografia critica[càmbia | edit source]

  • Luigi Prestinenza Puglisi, Rem Koolhaas. Trasparenze metropolitane, Testo & Immagine, Torinu 1997 Testo disponibile qui
  • Efisio Pitzalis, Rem Koolhaas - Biblioteca a Seattle, in "Area" n. 59 nov-dic 2001 (testu de s'articulu)
  • Sanford Kwinter, Marco Rainò, Rem Koolhaas. Verso un'architettura estrema, Milanu, postmedia books 2002
  • Roberto Gargiani, Rem Koolhaas/OMA, Roma-Bari, Laterza 2006

Ligas esternas[càmbia | edit source]