Abasatu de via Caravaggio
Articulu in logudoresu
S'abasatu de via Caravaggio est istadu unu mortorzu tripru acontèssidu su 30 de santugaìne de 1975 in su n. 78 de via Caravaggio, in sa parte de susu de su bighinadu de Fuorigrotta in Nàpule, e iscobertu s'8 de santandria. Fiant istados ochìidos, còrfidos a sa conca cun un'ozetu iscudidore improvisadu (e mai identifigadu) e posteriormente còrfidos a sa gula cun unu leputzu totu sos bividores de s'apartamentu in sa de bator prantas de su fraigu, a ischire Domenico Santangelo, 54 annos, rapresentadores de bèndida (cabitanu antigu de cursu longu e ex sìndigu cundominiale), sa de duas muzeres suas Gemma Cenname, 50 annos, mastra de illieramentu, e sa fiza de isse, Angela Santangelo, 19 annos, impreada de s'INAM, gasi che su cane issoro Yorkshire terrier, a nùmene Dick (sufogadu cun una manta). Sas carenas de Domenico Santangelo e Gena Cenname fiant istados depositados a sa banzera, impare cun Dick su calleddu, cando chi sa carena de Angela l'aiant imboligada in unu lentolu e arrambada a su letu cojuale.[1]
Sas imbestigaduras
[modìfica | modìfica su còdighe de orìgine]Pro su chi pertocat s'aspetu sientìfigu de sas imbestigaduras, in s'apartamentu de su mortorzu tripru, in prus de orminzas de crapita (medida 41-42) imprentadas in su sàmbene in sos pamentos de unos cantos aposentos e de su passadissu, fiant istadas imbènnidas orminzas poddigales in un'ampulla de whisky e una de brandy imbaradas a un'armarzu-ràdiu de s'aposentu de traballu de Domenigo Santangelo. A sos tempos, fiat impossìbile pro sa polima sientìfiga a detetare, refraigare e identifigare istigas biolòzigas dassadas dae su mortore in sos agatamentos de s'issena de su crìmine. Sas orminzas de crapita e sas poddigales fiant resurtadas incumpatìbiles cun sas de s'imputadu benidore (Domenico Zarrelli). Pro su chi prendet sas imbestigaduras no sientìfigas, issas nch'aiant zutu a su detenimentu e a sa cundenna a sa perpetuada in su primu gradu de Domenico Zarrelli, nebode de Genna Cenname (acusadu de cumiter s'abasatu ca fiat a poderiu de un'arrebatu de cullòbia a pustis de si bider refudende sa dimanda sua de un'imprèstidu de dinare dae bandas de tia sua Gemma), posteriormente assòrvidu a sentèntzia rassa, e refàghidu dae s'Istadu in su 2.006 pro dannos morales e materiales. Duncas, su curpàbile e su motivu iscadenadore de s'abasatu abarrant galu como iscunnotos.
Imbestigaduras sientìfigas noas
[modìfica | modìfica su còdighe de orìgine]In su beranu de 2013, sa Procuradoria de sa Repùbriga de Nàpule, in su cuadru de un'imbestigadura sientìfiga, degretat anàlisis de laboratòriu a subra de sos agatamentos de s'issena de su crìmine agatados bardados belle 40 annos a pustis de sos fatos. Est chistione de una tassa impreada, unos cantos bìculos de zigarreta e unu frobidorzu imbrutadu de sàmbene. Assionant in calidade de cussizadores setoriales sos operadores de sa partzidura de recunnoschimentu de sa polima nassionale.