Abolottu de Stonewall
Articulu in nugoresu
| « We are everywhere! » |
| « Semus in tottube! » |
S'abolòttu de Stonewall est istau una sèria de iscontros sambenosos in intro de sa comunidade LGBT e sa politzia in New York. Su primu note de s'abolottu est istau cussu de chenapura 27 de lampadas de su 1969, unu pacu prus a pustis de s'una e binti, cando sa politzia irrumpèit in su tzilleri de lumen "Stonewall Inn", inube sa comunidade de su trettu locale si adobiabat.
"Stonewall" est tentu a cussideru che sa data chi fit naschiu peri tottu su mundu su movimentu de liberassione LGBT modernu. Non de badas su 28 de lampadas su movimentu LGBT lu at isseperau che data de sa "die mundiale de sa fieresa LGBT" o "Gay Pride". Simbulu de sa pelea fit sa femina transessuale Sylvia Rivera, chi nanchi aiat dau su comintzu a sa protesta ghettande un'ampulla contr'a unu de sa politzia.