Alliantzia Libera Europea

Dae Wikipedia, s'entziclopedia lìbera.
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

Sa Alliàntzia Libera Europea (European Free Alliance in inglesu, Europäische Freie Allianz in tedescu, Alliance libre européenne in frantzesu e Alianza libre europea in ispagnolu), o ALE, est unu partidu politicu europeu.

Su ALE cumprendet paritzos partidos politicos de idea rezonalista, chi punnan a s'indipendentzia politica de su trettu issoro o simpremente a li dare cantu prus autonomia possibile, abbarrande in s'istadu in ube sun. S'alliantzia tenet in intro partidos progressistas, e duncas non tottus sos partidos rezonalistas europeos fachen parte de s'ALE.

Dae su 1999 in susu, s'ALE e su partidu de sos Birdes Europeos an istrintu unu legamine, fundande sa tropa de sos Birdes Europeos-Alliantzia Libera Europea in su parlamentu europeu, mancari chi calicunu chi fachiat parte de s'ALE apat tando isseperadu de si ponner a pare cun atteros partidos.

Su partidu punnat a rappresentare e dare prus boche in Europa a sas minorias etnicas suas: su Partidu Sardu - Partito Sardo d'Azione (Psd'Az) est parte de s'ALE dae su 1984.

S'ala zovana de s'ALE si narat "Zoventude de s'Alliantzia Libera Europea" (European Free Alliance Youth, EFAY).