Alone in the Dark (videojocu 1992)

Dae Wikipedia, s'entziclopedia lìbera.

Nùgoro-Istemma.png
Articulu in nugoresu
Nùgoro-Istemma.png

Alone in the Dark est unu videojòcu de Frédérick Raynal chi Infogrames at prubicàu in su 1992, primu capìtulu de sa sèria. Est unu de sos primos esempios de survival horror, casta de jocos chi est bènnia fentomàda a pùstis chin Resident Evil.

S'istòria e s'atmosfera de su jocu si ispìrat a s'opera de H. P. Lovecraft chi, de s'atteru, li fàchen tzìnnu in s'elencu de pessònes pro li torràre gràssias. In sa biblioteca de Jeremy Hartwood si pòden atzapàre su Necronomicon e su De Vermis Mysteriis, e parìtzos èsseres tènen sa forma picàda dae sa descrissiòne de sos Mannos Anticos.

Jocabilidàde[modìfica | edit source]

S'obiettivu est a iscopèrrer una bìa de essìda dae sa dommo de Derceto, irbelànde s'arcanu chi la inghìriat. Su pessonòzu si mòghet pro mèdiu de sas fretzas postas in sa tastera; chind unu menu si poden isseperàre, a sicund' 'e sa netzessidade, battor assiònes: apèrrer/chircàre, serràre, ispìngher e peleàre. Sas primas tres sèrbin pro esplorare sa dommo, sa de battor pro attaccare sos inìmicos.

In su jocu, si an a pòder atzapàre parìtzos ozetos accurtziàndelos a su pessonazu e fachènde imprèu de sa funtzione "chircare". Calicùnu at a serbìre pro isòrver sos mistèrios, atteros pro azuàre a uchìder sos chi pòpulan Derceto. Difàttis, fachet a acattàre armas comente unu revolver e fusìle, in prus de ispàdas.

Carchi essere non si pòdet bìncher pro mèdiu de istrumentos cunventzionales, ma chin s'inzéniu ebbìa, mancàri leghèndesi sos lìberos chi dàen cunsìzos.