Videojòcu

Dae Wikipedia, s'entziclopedia lìbera.


Articulu in nugoresu

Su videojocu est unu jòcu chi funtzionat pro mèdiu de unu istrumentu elettronicu, chi impreat una interfaccia omine-macchina e unu ischermu che sistema de output. Si li narat fìntzas, chind unu ingresìsmu, videogame, mancari chi su faveddu currettu in limba inglesa siat video game. Chie fàchet imprèu de videojòcos si narat "videojocadòre" e, pro jocare, si podet serbìre de perifèricas comente a su joystick, sa tastèra e gòi sichìnde.

Su videojocu est nàschiu in sos annos Chimbànta, a su cumìntzu pro chìrcas issientìficas, ma si at isvilupàu a prenu dae sa secunda meitàde de sos annos Settanta in sùsu.

Dae sos annos Novanta in sùsu, s'industria de videojocos at tèntu sèmper prus impòrtu: in su 2006, adderettùra, pro sa prima bìa in istòria at brincàu pro volùmene de affares s'industria musicale.

Edade de sos jocadores[modìfica | modìfica su còdighe de orìgine]

Sa fàsca anagrafica de sos chi si pònen a jocare est tra sos sèichi e bintinòve annos, mancàri chi in carchi istadu, comente in su Rennu Unìu, s'edade mediana siat meda prus arta, de cada manèra lompènde a unu massimu de barantanòve annos; in s'istadu italianu est de bintòtto annos.

Oje in dìe, pèri su mundu b'at unos 145 milliones de pessònes chi videojòcan.

Zenìas de videojòcu[modìfica | modìfica su còdighe de orìgine]

OpenArena, unu isparatòttu in prima pessòne tìpicu chi si bàsat in supra de sa lestrèsa de atziòne.
Battle for Wesnoth, unu videojòcu de tràma a mòtas tìpicu chi si bàsat in supra de s'arrejonamèntu.