Alsàtzia

Dae Wikipedia, s'entziclopedia lìbera.

Coordinatas: 48°30′N 7°30′E / 48.5°N 7.5°E48.5; 7.5

Flag of the Italian region Sardinia.svg
Articulu in LSC
Flag of the Italian region Sardinia.svg

Alsàtzia, posidura in Frantza
Bandera

S'Alsàtzia (in frantzesu: Alsace [al.zas]; in alsatzianu: ’s Elsass [ˈɛlsɑs]; in tedescu: Elsass o Elsaß [ˈɛlzas]); in latinu: Alsatia) est una regione de sa Frantza orientale. Su cabulogu est Strasbourg.

Tenet istèrrida de 8.280,2 km², chi nde faghet sa de chimbe prus pitias intre de is 27 regiones frantzesas, contat populatzione de unos 1.815.500 bividores, cun densidade de 224 biv./km², sa de sete prus arta de sa natzione.

Allàcanat in s'estu peri su frùmene Rinu, cun su Land de Baden-Württemberg e in su norti cun su de Renània-Palatinatu, Germània, in su sud cun s'Isvìtzera, in su sud-uestu cun sa regione de Franca Contea e in s'uestu cun sa de Lorena.

S'Alsàtzia est linguìsticamente e culturalmente prus ligada a sa Germània, ma a sighidu de acuntèssidas e detzisiones istòricas, a ùrtimas is duas gherras mundiales, est in die de oe territòriu amministradu de sa Frantza.

Sa limba istòrica sua est difatis s'alsatzianu, chi est prus pretzisamente unu dialetu de su tedescu faeddadu in ie, in una parte de sa Lorena e fintzas de s'àteru cantone de su Rinu, in Germània. Is alsatzianos oe faeddant però frantzesu, sola limba uffitziale de sa Frantza. Su 43% de sa populatzione adulta est capatzu de faeddare galu s'alsatzianu, ma petzi su 3% de cuddos intre 3-17 annos ddu connoschet.

S'Alsàtzia est sea de numerosas organizatziones e istitutziones internatzionales, cosa chi politicamente nde faghet una de is prus importantes regiones de s'Unione Europea.

Àteros progetos[modìfica | edit source]