Anna Bassu
Limba Sarda Comuna. Abbàida sas àteras bariedades gràficas:
| Anna Bassu | |
|---|---|
| Nàschida | 1989 Nùgoro |
| Natzionalidade | sarda |
| Tzitadinàntzia | italiana |
| Alma mater | Politècnicu de Torinu |
| Traballu | Responsàbile de un'unidade territoriale pro sa gestione de bator impiantos idroelètricos de su grupu Enel Green Power in su Lagu Coghinas, e a pustis de s'unidade Isola Serafini in Emìlia Romagna |
| Professione | ingenniera |
| Datore de traballu | Grupu Enel Green Power |
Anna Bassu (Nùgoro, 1989) est una ingenniera sarda, sa prima fèmina in Sardigna e in Itàlia responsàbile de un'unidade territoriale pro sa gestione de bator impiantos idroelètricos de su grupu Enel Green Power.[1]
Biografia
[modìfica | modìfica su còdighe de orìgine]Originària de Ulìana, in su 2014 s'est laureada in ingennieria energètica e nucleare in su Politècnicu de Torinu (votu 110/110),[2] cun esperièntzia de chirca acadèmica e unu Master internatzionale (nàschidu dae sa collaboratzione intre Enel Green Power e s'Iscola Superiore Sant’Anna de Pisa)[3]. In su 2014 cumintzat a traballare in s'Enel pro s'ocupare de seguresa e ambiente in Sòndriu.[3] In su 2016 s'Enel la tràmudat a Sardigna, en in martzu 2017 divenit responsàbile de Plants Unit, unidade de bator impiantos idroelètricos in su lagu Coghinas (Oscheri, Tàtari), a cabu de una truma de 17 obreris, totu cantos òmines.[1] In sos primos meses s'est dedicada a sa revisione cumpleta de sa tzentrale, gràtzias a s’Unidade Business Hydro Sardigna de Enel e cun s'agiudu de sas unidades O&M Hydro.[3] A pustis de seis meses, sa tzentrale est resurtada a tretu de produire energia cun una mèdia annuale de belle 70 mìgia MWh, de frunire energia a belle 25 mìgia famìlias e de evitare s'emissione de 45 mìgia tonnelladas de CO2 a s'annu.[3] De su traballu suo Anna Bassu narat: "Essere la prima donna responsabile di una centrale elettrica Hydro Enel mi rende piena di orgoglio, ma mi carica anche di grandi responsabilità: l’impianto del Coghinas ha tutte le carte in regola per scrivere altri passi fondamentali in vista dei suoi 100 anni al servizio dell’Italia"[3]. Dae su 2018 est responsàbile de s'unidade Isola Serafini in Emìlia Romagna.
Riferimentos
[modìfica | modìfica su còdighe de orìgine]- ↑ 1.0 1.1 (IT) Anna Bassu, prima donna italiana nominata dall'Enel per la guida di un'unità territoriale, in L'Unione Sarda.it, 8 martzu 2017. URL consultadu su 3 maju 2020 (archiviadu dae s'url originale su 7 martzu 2017).
- ↑ (IT) Elvira Serra, Anna, la prima donna alla guida di quattro centrali idroelettriche, in Corriere della Sera, 21 martzu 2017. URL consultadu su 3 maju 2020.
- ↑ 3.0 3.1 3.2 3.3 3.4 (IT) Una ingegnere sarda alla guida del complesso Enel del Coghinas, in corporate.enel.it. URL consultadu su 3 maju 2020.