Argentiera (Tàtari)
Coordinadas: 40°44′24″N 8°09′04″E / 40.74°N 8.151111°E
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
![](http://upload.wikimedia.org/wikipedia/commons/thumb/4/4e/Flag_of_Sardinia%2C_Italy.svg/26px-Flag_of_Sardinia%2C_Italy.svg.png)
S'Argentiera est un'apenditzu de Tàtari chi s'agatat in su nord-ovest de sa Sardigna.
Est 43 km a tesu de Tàtari e 34 km de S'Alighera.
Istòria
[modìfica | modìfica su còdighe de orìgine]![](http://upload.wikimedia.org/wikipedia/commons/thumb/d/d4/SassariArgentierarovinelaveria.png/220px-SassariArgentierarovinelaveria.png)
Finas a is annos sessanta ddoe funtzionaiat una miniera pro bogare prumu e zingu e ferru cun sa parte manna de is istruturas fatas de linna. Sa faina estrativa est acabbada in su 1963. In die de su 2021, sa biddighedda est agiumai in abbandonu[1].
Monumentos e logos de interessu
[modìfica | modìfica su còdighe de orìgine]![](http://upload.wikimedia.org/wikipedia/commons/thumb/6/64/Sassari%2C_Province_of_Sassari%2C_Italy_-_panoramio_%281%29.jpg/220px-Sassari%2C_Province_of_Sassari%2C_Italy_-_panoramio_%281%29.jpg)
Su situ est de importu comunitàriu e me is annos sunt istados finantziados progetos vàrios de recùperu[1]. Su logu est fintzas cunsideradu unu destinu pro is fainas naturalìsticas, comente a su trekking. S'Argentiera faghet parte de su Parcu geomineràriu istòricu e ambientale de sa Sardigna[2].
In su 2015 s'amministratzione comunale de Sassari at recuperadu sa laveria, su Palatzu Podestà e sa Crèsia de Santa Bàrbara[3].
Su campusantu s'agatat a oru de su caminu intrende in su burgu, in antis a sa marina de Portu Palmas. Ddoe ant interradu is mineris e is famìlias issoro e est ancora impreadu pro is pagos abitantes de sa fratzione.
Sa Cala de s'Argentiera est sa marina de sa biddighedda. S'arena est grussa e murra e sa miniera, chi dda impreaiat comente logu de iscàrrigu, dda partzit in tres.
Cultura
[modìfica | modìfica su còdighe de orìgine]In sa fine de su mese de trìulas, in sa pratzighedda de su burgu s'acumprit unu fèstival literàriu. In su 2014 ant pigadu parte, intre is àteros, s'atora Geppi Cucciari, s'autore e regista Pif e de presidente de su Senadu de sa Repùblica Italiana Pietro Grasso[4].
Tzìnema
[modìfica | modìfica su còdighe de orìgine]Inoghe ant filmadu is iscenas initziales de sa pellìcula Boom!, cun protagonistas Elizabeth Taylor e Richard Burton[2] e de Chiedo Asilo, de Marco Ferreri, cun Roberto Benigni.
Isport
[modìfica | modìfica su còdighe de orìgine]![](http://upload.wikimedia.org/wikipedia/commons/thumb/7/75/Hyundai_Motorsport_Rally_Sardegna_2.jpg/220px-Hyundai_Motorsport_Rally_Sardegna_2.jpg)
In s'Argentiera curret fintzas sa proa ispetziale "Sassari-Argentiera" de su Rally de Sardigna[5].
Riferimentos
[modìfica | modìfica su còdighe de orìgine]- ↑ 1.0 1.1 (IT) Il borgo semi abbandonato dell'Argentiera in attesa del vero rilancio, in La Nuova Sardegna, 20 austu 2021. URL consultadu su 9 abrile 2022.
- ↑ 2.0 2.1 (IT) Argentiera, in www.sardegnaturismo.it, 22 ghennàrgiu 2020. URL consultadu su 9 abrile 2022.
- ↑ (IT) Argentiera: l'ex borgo minerario sardo incastonato nella costa selvaggia, in Treeaveller, 16 maju 2020. URL consultadu su 9 abrile 2022.
- ↑ (IT) Festival Dell'Argentiera, in www.festivalargentiera.it. URL consultadu su 9 abrile 2022.
- ↑ (IT) WRC | Rally Italia Sardegna 2022: ecco il nuovo percorso, in it.motorsport.com. URL consultadu su 9 abrile 2022.
Controllu de autoridade | VIAF (EN) 241858373 · BNF (FR) cb13603179w (data) · WorldCat Identities (EN) 241858373 |
---|