Arrigo Miglio
campidanesa. Abbàida sas àteras bariedades gràficas:
logudoresu · LSC · nugoresu
| Arrigo Miglio | |
| cardinali e archipìscopu de sa Crésia Catolica | |
| |
| |
| Tìtulu: | Cardinali presbìteru de Santu Clementi |
| Incàrrigos atuales: | archipìscopu emèritu de Casteddu aministradori apostòlicu de Igrèsias |
| Incàrrigos betzos: | archipìscopu de Casteddu pìscopu de Ivrea pìscopu de Igrèsias |
Arrigo Miglio (San Giorgio Canavese, 18 de argiolas 1942) est unu cardinali e archipìscopu catòlicu italianu, de su 16 de donniasantu 2019 archipìscopu emèritu de Casteddu e de su 6 de mes'e ladàmini 2022 aministradori apostòlicu de Igrèsias.
Biografia[modìfica | modìfica su còdighe de orìgine]
Nascit in San Giorgio Canavese, in provìncia de Torinu e diòcesi de Ivrea, su 18 de argiolas 1942.
Pesadia e ministèriu satzerdotali[modìfica | modìfica su còdighe de orìgine]
Su 23 de cabudanni 1967 est ordinau presbìteru, in sa crèsia parrochiali de Santa Maria Assunta in San Giorgio Canavese, de su pìscopu Luigi Bettazzi[1].
In su 1990 est nominau assistenti eclesiàsticu generali de s'Assòtziu Ghias e Scouts Catòlicus Italianus; at a mantenni s'incàrrigu finas a su 1997[2].
Ministèriu obispali[modìfica | modìfica su còdighe de orìgine]
Pìscopu de Igrèsias[modìfica | modìfica su còdighe de orìgine]
Su 25 de martzu 1992 su papa Giuanni Pàulu II ddu nòminat pìscopu de Igrèsias; sucedit a Giovanni Cogoni, dimìtidu·si po cròmpidas làcanas de edadi. Su 25 de abrili arricit s'ordinatzioni obispali, in sa catedrali de Santa Maria Assunta de Ivrea, de su pìscopu Luigi Bettazzi, co-cunsagrantis s'archipìscopu Ottorino Pietro Alberti e su pìscopu Giovanni Cogoni. Su 14 de làmpadas pigat possessu de sa diòcesi.
Pìscopu de Ivrea[modìfica | modìfica su còdighe de orìgine]
Su 20 de freaxu 1999 su matessi papa ddu nòminat pìscopu de Ivrea; sucedit a Luigi Bettazzi, dimìtidu·si po cròmpidas làcanas de edade. Su 25 de abrili sighenti pigat possessu de sa diòcesi.
Est elìgiu segretàriu de sa Cunferèntzia obispali piemontesa e presidenti de su comitau scientìficu e organizadori de is chidas sotzialis de is catòlicus italianus e membru de sa Cumissioni obispali de sa CEI pro is problemas sotzialis e su traballu, sa giustìtzia e sa paxi. Su 27 de abrili 2010 est nominau membru de sa Cumissioni obispali de s'Almu collègiu Capranica.
Archipìscopu de Casteddu[modìfica | modìfica su còdighe de orìgine]
Su 25 de freaxu 2012 su papa Beneitu XVI ddu nòminat archipìscopu metropolita de Casteddu[3]; sucedit a Giuseppe Mani, dimìtidu·si po cròmpidas làcanas de edadi. Su 18 de abrili sighenti pigat possessu canònicu de s'arcidiòcesi po procura. Su 22 de abrili lompit in Casteddu. Su 24 de abrili intrat in manera solenni in s'arcidiòcesi, cun una cerimònia in Bonària. Abarrat aministradori apostòlicu de sa diòcesi de Ivrea finas a s'intrada de su sucessori Edoardo Aldo Cerrato, acontèssiu su 7 de santugaine 2012. Su 29 de làmpadas 2012 arricit su pàlliu de su papa, in sa basìlica de Santu Pedru in Vaticanu; su 3 de cabudanni est elìgiu presidenti de sa Cunferèntzia obispali sarda.
Su 18 de trìulas 2017, cumprendi 75 annus, presentat sa rinùntzia cosa sua po cròmpidas làcanas de edadi; in su mese de cabudanni sa nuntziadura apostòlica in Itàlia ddis comùnicat sa decisioni de papa Franciscu de ddu cunfirmai po dus annus prus a sa ghia de s'arcidiòcesi[4]. Su 16 de donniasantu 2019 su matessi papa acollit sa rinùntzia cosa sua; ddis sucedit Giuseppe Baturi, de su cleru de Catània, fintzas a como sutasegretàriu de sa Cunferèntzia Obispali Italiana[5]. Abarrat aministradori apostòlicu de s'arcidiòcesi finas a s'intrada de su sucessori, acontèssiu su 5 de gennàrgiu sighenti.
Cardinalau[modìfica | modìfica su còdighe de orìgine]
Su 29 de maju de su 2022, acabendi su Regina Caeli, papa Franciscu at annuntziau sa creatzioni sua a cardinali. In su concistoru de su 27 de austu benienti est stau creau cardinali cun su tìtulu de Santu Clementi. Poita ca tennit giai otanta annus, no at a essi cardinali eletori in su conclave.
Su 6 de mes'e ladàmini de su 2022 su papa Franciscu ddu nòminat aministradori apostòlicu de Igrèsias, a s'arrenùntzia de su pìscopu Giovanni Paolo Zedda po làcanas de edadi.[6]
Genealogia obispali[modìfica | modìfica su còdighe de orìgine]
Sa genealogia obispali est:
- Cardinali Scipione Rebiba
- Cardinali Giulio Antonio Santori
- Cardinali Girolamo Bernerio, O.P.
- Archipìscopu Galeazzo Sanvitale
- Cardinali Ludovico Ludovisi
- Cardinali Luigi Caetani
- Cardinali Ulderico Carpegna
- Cardinali Paluzzo Paluzzi Altieri degli Albertoni
- Papa Beneitu XIII
- Papa Beneitu XIV
- Papa Clementi XIII
- Cardinali Bernardino Giraud
- Cardinali Alessandro Mattei
- Cardinali Pietro Francesco Galleffi
- Cardinali Giacomo Filippo Fransoni
- Cardinali Carlo Sacconi
- Cardinali Edward Henry Howard
- Cardinali Mariano Rampolla de su Tindaro
- Cardinali Gennaro Granitu Pignatelli de Belmonte
- Cardinali Pietro Boetto, S.I.
- Cardinali Giuseppe Siri
- Cardinali Giacomo Lercaro
- Pìscopu Luigi Bettazzi
- Archipìscopu Arrigo Miglio
Riferimentus[modìfica | modìfica su còdighe de orìgine]
- ↑ Da San Giorgio alla Sardegna, La Sentinella del Canavese, 27 febbraio 2012. URL consultadu su 17 novembre 2019.
- ↑ S.E. Mons. Arrigo Miglio, in duomodicagliari.it. URL consultadu su 17 novembre 2019.
- ↑ Rinunce e nomine. Rinuncia dell'Arcivescovo Metropolita di Cagliari (Italia) e nomina del successore, in press.vatican.va, 25 febbraio 2012. URL consultadu su 17 novembre 2019.
- ↑ Comunicato della curia diocesana, in chiesadicagliari.it, 26 settembre 2017. URL consultadu su 17 novembre 2019.
- ↑ Rinunce e nomine. Rinuncia dell'Arcivescovo Metropolita di Cagliari (Italia) e nomina del nuovo Arcivescovo Metropolita, in press.vatican.va, 16 novembre 2019. URL consultadu su 17 novembre 2019.
- ↑ Il cardinale Miglio amministratore apostolico di Iglesias, in chiesadicagliari.it, 6 de ladàmini 2022. URL consultadu su 6 de ladàmini 2022.