Attaccu banzai

Dae Wikipedia, s'entziclopedia lìbera.

Nùgoro-Istemma.png
Articulu in nugoresu
Nùgoro-Istemma.png

Giapponesos mortos a pustis de unu faddìu attaccu banzai, fattu in su 29 de maju de su 1943.

Su attaccu banzai (玉砕 o バンザイ突撃 gyokusai o banzai totsugeki) fit su lùmen dau in sa secunda gherra mundiale a attaccos frontales chi bidìan a sordaos giapponesos currende, chin bazonetta in manu, cara a s'esertzitu inimicu in s'ispera de lu ispantare e lu uchìder. S'attaccu non fit dèpiu, comente si dìat poder pessare, a carchi arresone istratèzica (comente s'attaccu kamikaze), ma simpremente a su codiche morale de su militarismu giapponesu (su bushido, chi fit innantis de sos samurai) chi preferìat su giapponesu mortu chi non bintu in gherra.

S'attaccu banzai fit in imprèu meda dae cando sos giapponesos aìan gherrau in sa gherra russo-giapponesa e in se secunda gherra sino-giapponesa, in ube s'esertzitu russu e cussu tzinesu fit pro su prus male frunìu: custu podìat permìtter a s'attaccu banzai de poder adderettura bincher, fachende dannu mannu (siat fisicu siat psicolozicu) in pacu tempus.

Custu modellu de pelea no at boddìu fruttos medas, peròe, in sa secunda gherra mundiale, in ube s'attaccu fit una manera comente a un'attera pro andare a si uchìder chind unu mare de ballas in corpus.