Betureddas de tzocu

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

Esempru de betureddas de tzocu

Su nùmene de betureddas de tzocu si referit a unu carusellu pro parcos de ispassiamentos o festa bandulera, chi podet esser firmu o puru transportàbile a mèdiu de unu càmiu cun remurcu.

Cunsistit in una pista, de forma cuadrada e retangulare, in ue current medas betureddas, belle semper de duos logos, probidas totu a inghìriu de su cascu de unu paratzocos ispetziale de gomma tosta o àteru materiale adecuadu, chi permitet a sas beturas de s’addobare a pare sena cunseghèntzias negativas nen pro issas, nen pro sos ocupadores. Sa finalidade de sas betureddas de tzocu est a istransire sos tzocos su prus chi si podat, su chi est prus a prestu cumprigadu, dadu chi medas betureddas current in unu tretu limitadu.

Sos primos primos modellos de betureddas de tzocu impreaiant motores a isprosura, chi a segus fiant istados abandonados in favore de unu motore elètrigu, alimentadu peri una retza eletrifigada a màllias astrintas, posta in su pizu de un’anta iscampiadora in sa parte de palas de sa betura. Fitianu sa cunetadura e s’iscunetadura de sa currente apostìvigat su cumintzu e s’agabu de sa currera.

A bandas de su disinnu de sas beturas, chi oe in unos cantos casos reproduit, a lissèntzia de sas firmas automobilencas, argunos modellos famosos de automòbiles, s’assempru e sa cuntzetadura de sas betureddas de tzocu sunt abarrados azomài sena mudados in sas ùrtimas dègadas. A bias, in sas betureddas de tzocu de zeneradura moderna, a sero, s’impreant lughes istroboscòpigas e mùsiga cun ballùmene meda artu trasmìtida a mèdiu de amprasonos mannos, in manera a creare un’ambiente assimizadore a su de sas discutegas.

Sas betureddas de tzocu si diferèntziant in manera essentziale dae sos àteros carusellos de festa bandulera, sende chi si basant in s’interassione dereta intre sos usuàrios e duncas si mudant fitianu in logu de addòviu e agrustamentu.

De acordu cun su tipu e sa fasca de usuàrios a sos cales sunt destinadas, sas betureddas de tzocu si podent distingher in:

  • betureddas de tzocu tradissionales, descritas prus in susu;
  • miniscùteros o betureddas de tzocu pro pitzinnos, assimizadores in onzi cosa a sas pro adurtos, peroe prus minores e destinados a sa pitzinnia; fitianu, esistint finas beturas unilogu a forma de mototzicreta;
  • betureddas de tzocu de aba, impreadas mescamente a s’istiu, in ue sa pista est sustituìda dae unu nadadorzu prenu de aba e sa beturas cunsistint in intinnas unfràbiles motorizadas minores.