Càssia de risparmiu

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

Sa càssia de risparmiu est unu tipu de istitutu de crèditu nàschidu cun sa finalidade de collire s'aorru minore, torrendelu peri sa pràtiga de su crèditu ipotegàriu e fondàriu, o a mèdiu de imbestimentos pagu arriscados, che sos in sos tìtulos de s'Istadu; a sa funtzione de crèditu, in prus de custu, s'assòtziat sa dispensadura de servìtzios de seguràntzia individuale e s'atividade de benefissèntzia. Istrumentos tìpigos de sas càssias de aorru sunt sos libretes de aorru. Zenerarmente, a su nessi a s'orìzine, sas càssias de aorru fiant istituimentos sena finalidades de profetu, e duncas si diferentziaiant dae sas bancas privadas. S'evoluidura de sa lezisradura bancària nch'at zutu sas càssias de aorru a esser echiparadas issentziarmente a sas àteras bancas; in su casu italianu, medas càssias de aorru sunt istadas imboligadas in protzessos de fundidura e assorvimentu.

S'Assòtziu de sas Càssias de Aorru Italianas (Acri, fundadu in su 1912), in prus de assotziare 45 càssias de aorru SA chi ant bardadu su nùmene cumertziale issoro, incruet finas sas Fundaduras custituìdas peri sa leze 218 de su 1990 (“leze Amato”) de reordinamentu de su sistema bancàriu.

Istituimentos crassifigàbiles comente càssias de aorru esistint o sunt esìstidos in diferentes paìsos europeos, cun su nùmene de Sparkasse in Alemània (sas prus antigas de totus), Caissa d'Epargne in Frantza, Caja de Ahorros in Ispanna. Istituimentos chi si podent assimilare a sas càssias de aorru sunt sas Savings and loans associations e Credit Unions in sos Istados Aunidos e sas Savings Banks in su Rennu Aunidu.