Jump to content

Cabitzale

Dae Wikipedia, s'entziclopedia lìbera.
Custu artìculu est iscritu in sa grafia nugoresa. Abbàida sas àteras bariedades gràficas:

campidanesu · LSC · logudoresu

Capitzale pro su letu

Sa pumma (fintzas cabitzale, cabidale o capitzale) est unu nichele retangulare, tzirculare o de unas cantas àteras fromas, prenu a intro de materiales moddes. Benit postu supra de sa banita pro dromire o si pasare. Si podet peri ponner supra de sas cadiras e de sas otomanas, o in su pamentu puru. B'ant puru pummas fatas petzi pro decoradura, et non si cherent pro bi si seder a supra.

Sa pumma[modìfica | modìfica su còdighe de orìgine]

Capitzales de decoradura pro otomanas

Su capitzale, tenet a intro enas artifitziales, lana, pinnas (mescamente in locos fritos) o materiales sintèticos tipu ispluma de poliuretanu, late de gomma. In s'antigòriu beniat impreada sa paza pro prenare sos capitzales. A die de oe no est impreada prus, ca est manchile de comodàntzia. Sas pinnas finint s'issèperu de sos ricos In die de oe su materiale impreadu prus sunt sas enas sintèticas pro sa moddesa che a sas pinnas Sos capitzales sunt cubaos dae sa capitzalera in pare a sos lentzolos Sas capitzaleras, e sos lentzolos puru, a fitianu benint dogadas pro las limpiare. Bisonzat a ponner atentu meda a custu ozetu, ca carregarre podet zaer allerzia, pro chie tenet custa patolozia. Custu ca sas acarinas si ponent a fitianu in sa intessidura de sas capitzaleras et de sos capitzales etotu. Pro custa insimia, benit impreau su late de ficu pro non facher benner serente sas acarinas. Àteru tipu de prenimentu chi s'acatat in sa buteca, est sa gomma, cun caraterìsticas biscoelàsticas, pro si cunformare cun s'anatomia e pro aguantare su pesu de sa conca chene esser tosta. Su capitzale de letu est de froma retangulare de mannaria azumai che sa larghesa de una banita cun una pratza. B'ant peri capitzales a unda dòpia nados "anatòmicos" sunt istaos impreaos pro sanare menzus sa passalitortu.

Sa muda de sos capitzales, che azumai totus sos artìculos tessiles est gastosa et cun rennida manchile. Duncas, pacos benint mudaos et sa majoria benit fuliada in su muntonarzu.

Su pesu miminau issoro cheret narrer chi costituint una bassa pertzentuale de arga de domo. Sa majoria de sos capitzales collios pro sa muda sunt batios in India et Pakistan e impreaos che lingeria a gastu bassu, o in sud-est asiàticu paris a àteras intessiduras pro frabicare lingeria barata.

Sa dura de sos normales capitzales de su otzidente est dae duos abator annos. Pro bier si est in batu malu, podes bier si bi ant crumos, olu pinnicare pro bier si abarat pinnicau. Cambiare capitzale est cussizau pro insimias de salude.

Sas gastas de capitzale[modìfica | modìfica su còdighe de orìgine]

Su capitzale est fatu pro zaer arrumbu et comodàntzia a sas pessones B'ant de gastas medas de capitzale: pro letu, pro cadira o cadirone, decoradura, pro otomanas, de biazu, pro meditare, su capitzale de otomanas intres sas otomanas de famìlia et sichinde.

Istòria de su capitzale[modìfica | modìfica su còdighe de orìgine]

Sos capitzales finint impreaos in su colau mescamente dae sa zente chighillaiada et sunt istaos acataos peri in Ezitu in sas losas de sos faraones. Sas froma, sos tessutos de fine fatura, sos brodos et sas aplicatziones de predas et metallos pretziaos, ant fatu de su capitzale unu nichele artìsticu. Sas produtziones de importu prus mannu benint dae sa tzina antiga, ube pro sas famìlias ricas finint fatos de tzeràmica, de pretzisu de materiales che a sa bartzellana tinta. Sa supracara de su capitzale pustis beniat prena de predas et pinturas cun finidura in oro. Shi-fan-Sen 石閻森, unu maghistru de importu mannu, a sos tempos de sa zenia Qin, at fatu pro s'imperadore Ying Zheng unu capitzale intre sos prus pretziosos fatos, in die de oe si podet galu bier in su museu natzionale de sa Tzina. In s'Europa de s'edade de mesu sos capitzales finint zaos a familias ricas et a fitianu finint impreaos pro prenner s'amanitzu.

Controllu de autoridadeBNF (FRcb12121878d (data) · LCCN (ENsh85102149 · NDL (ENJA00576188 · NKC (ENCSph124319