Cantu in lìngua de sinnus

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu in sa grafia Provintzia de Casteddu-Istemma.pngcampidanesaProvintzia de Casteddu-Istemma.png. Abbàida sas àteras bariedades gràficas:

logudoresu · LSC · nugoresu

Coru cantendi in lìngua de sinnus

Su cantu in lìngua de sinnus est unu cantu innui su testu de una cantzoni s'espressat in manera artìstica cun mòvidas de su corpus, impreendi sa lìngua de sinnus.[1]

De sòlitu s'esecutori acumpàngiat una cantzoni esecutendi-ndi una versioni in lìngua de sinnus. Mentris cun su cantu sonoru s'impreant notas e tonos po s'espressai, custu tipu si basat asuba de manus, corpus e espressadas de sa faci de s'esecutori.[2]

Corus intreus ant incumentzau a cantai in lìngua de sinnus, essendi popularis me is ùrtimus annus gràtzias a s'atzessibilidadi donada a is cantzonis a sa comunidadi surda e a sa curiosidadi po custa espressada artìstica.[1] Cun s'imbentu de cust'arratza de cantu, unas cantu cumpetitzionis musicalis si funt adatadas po permiti s'esibitzioni de cantzonis in lìngua de sinnus; intra is prus eventus famaus ddoi at su National Signing Choir Competition, in su Rennu Auniu e su Fèstival de Sanremo in Itàlia.[2][3]

Stòria[modìfica | modìfica su còdighe de orìgine]

Coru in lìngua de sinnus acumpangendi a unu cantadori

Me is Stadus Aunius, faci a sa metadi de is annus '70, aìnturu de is scolas po surdus si funt formaus is primus corus po cantai in lìngua de sinnus americana, grupus chi perou funt bessius a pillu sceti binti annus apustis.

In sa matessi època, sa comunidadi surda europea at pigau ispiratzioni de su chi si faiat in s'àtera ala de s'Atlànticu. Aici si funt formaus is primus grupus in Svìtzera e Baviera.[4]

Intendimentu de is cantzonis[modìfica | modìfica su còdighe de orìgine]

Is personas surdas podint intendi sa mùsica de is cantzonis a traessu de is vibratzionis chi produsit.

Movimentus artìsticus de su corpus comùnicant su testu de is cantzonis e is efetus canorus, chi is surdus no podint intendi, e is sentidus chi is cantadoris interpretant.[5]

Riferimentus[modìfica | modìfica su còdighe de orìgine]

  1. 1.0 1.1 (IT) La musica e l’arte parlano la lingua dei segni, in sordionline.com.
  2. 2.0 2.1 (EN) National Signing Choir Competition UK, in nationalsigningchoircompetition.org.
  3. (IT) A bocca chiusa si fa rumore: la lingua dei segni sul palco di Sanremo, in invisibili.corriere.it.
  4. (DE) Evang.-Luth. Gebärden­sprachliche Kirchen-Gemeinde in Bayern, in egg-bayern.de.
  5. (IT) Cantare in lingua dei segni: lo insegna il “Lis performer” Mauro Iandolo, in redattoresociale.it.