Catedrale de Santa Maria de Casteddu

Dae Wikipedia, s'entziclopedia lìbera.
Jump to navigation Jump to search

Coordinatas: 39°13′08″N 9°07′02″E / 39.218889°N 9.117222°E39.218889; 9.117222

Catedrale de Santa Maria

Sa catedrale de Santa Maria de Casteddu est una catedrale de istilu pisanu chi dòminat pratza Càralu Arbertu, sa “plazuela” antiga de sos ispannolos, chi s’agatat a unu livellu prus in zosso a petus de su pranu caminale de pratza Palatzu. De su fraigu orizinale, sa crèsia bardat in foras sa turre campanale cuadrada (francu su paramentu, sa cùspide e sas monoforas), s’incroamentu de su portale tzentrale, sos portales de su transetu, ucheddos de tarassias e iscurturas. Su prospetu medievale initziale fiat istadu redisinnadu in su 1702 in formas barocas dae Pietro Fossati e in istilu romànigu-luchesu in su 1933. Finas sa parte interna, a tres navadas cun presbitèriu elevadu e transetu, aiat tentu remanizos ampros in su corpus lonzitudinale dae bandas de Domenico Spotorno s’architetu milliseschentesu. Adossada a sa contrafatzada est sa trona, realizada dae Ghillermu de Pisa intre su 1159 e su 1162 pro sa catedrale de sa bidda sua e donada a Casteddu dae sa comuna tuscana in su 1312, pro simbolizare sos ligàmenes antigos ch’in cussu mamentu fiant minetzados dae sos aragonesos. In su 1670, su pèrgamu fiat istadu ismembradu in duas partes e sos bator liones postos in sa base de sas colunnas fiant istados tramudados a sos pees de su presbitèriu.

Àteros progetos[modìfica | modìfica su còdighe de orìgine]