Casteddu

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu



Casteddu/Cagliari
Cagliari-Stemma sabaudo da L'archivio comunale di Cagliari.png
Nùmene ufitziale: Casteddu/Cagliari
Istadu: Flag of Italy.svg Itàlia
Regione: Bandera Regione Sardigna.jpg Sardigna
Provìntzia: Casteddu (CA)
Ladiore: 39°13′0″ Nord
Longhiore: 9°7′0″ Est
Artiore: 23 m. subra su mare
Tirada: 85,45 km²
Populatzione:
154.468 bividores 31/01/2015
1817,17 biv./km² biv./km²
Apendìtzios: Castedd'e susu, Stampaxi, Biddanoa, Marina
Comunes lacanantes: Assèmini, Cabuterra, Cuartu Sant'Aleni, Cuartuciu, Ceraxus, Pauli, Sestu, Su Masu
Còdighe postale: 09100
Prefissu telefònicu: 070
Còdighe istat: 092009
Còdighe catastale: B354
Bividores: -"Casteddajos" (Limba Sarda Comuna)

-"Casteddajus" (Sardu Campidanesu)

-"Cagliaritani" (Italianu)

Patronu:
 - Santu
 - Die

Santu Sadurru
30 Santugaine
Giassu web: Giassu Istitutzionale

Casteddu (In italianu: Cagliari e in ispagnolu e cadelanu: Càller) est sa capitale e sa tzitade prus manna de Sardigna.

Istòria[modìfica | modìfica su còdighe de orìgine]

Casteddu est una de is tzitades prus antigas de Sardigna, e paret chi dd'aiant fundada sos Fenìtzos a inghiriu de su sèculu VIII a.C., in s'oru de s'istáinu de Santa Igia. Su numene Fenitzu fiat "Caralý", numene plurale proite giai dae tempus meda fiat formada dae unas cantas biddas.




Sos Romanos, lompidos in su 238 a.C., dd'aiant fata sea de provìntzia e amanniada, faghende·la crèschere a inghiriu de sa Pratza de su Cramu fintzas a Santu Sadurru: a foras de sa parte bìvida fiant sos campusantos de Tuvixeddu (iare cartaginesu) e Bonàiri. In su sèculu II ap.C. dd'ant fata colònia. In edade cristiana at tentu unu pìscamu. In edade romana puru su numene fiat plurale: Carales. Sos bividores depiant èssere unos 30.000.

Panorama de Casteddu

Mancari a serru, Casteddu (Carales) at sighidu a bìvere a suta de Vàndalos e Gregos (Bizantinos), sende sèmper sa sea de su guvernadore provintziale. In su 711 pero paret chi is Arabos dd'apant iscontzada e abruscada, e tando sos bividores ant lassadu sa tzitade romana pro si nche istugiare in una ala prus segura, a s'oru de s'istàinu. A pustis no s'at a intendere prus de Carales, ma de Santa Ìgia (Santa Gilla, Santa Illa, it. Santa Cecilia).

In edade Giuigale Santa Igia fiat sa capitale de su Giuigadu (Regnu) de Càlari: su numene de sa tzitade antiga si fiat sarbadu in su de su logu. Santa Igia teniat unos 15.000 bividores, una tzinta de muros e una crèsia cadirale: sos rastos si podiant bìdere galu in su '800 in ue oe est sa Tzentrale Elètrica.

In su 1216 sa Giuighessa Beneita de Lacon aiat permìtidu a unos cantos Pisanos de fraigare unu casteddu in ue oe est su bighinadu de Casteddu de susu. Idea mala, ca in sas gherras intre de Pisa e Gènua su giuigadu si diat èssere alliadu a sa segunda: in su 1258 sos Pisanos e sos àteros giuigados sardos alliados issoro iscontzant Santa Igia e nche isparghent su sale. Sos bividores lassant sas ruinas, unos cantos andende a Domunoas e Bidda de Cresia, àteros a fundare Biddanoa, s'apendìtziu de Casteddu chi totu connoschimus.

Su casteddu si naraiat "Castellu de Castro de Callari", de custu est bènidu su numene sardu de sa tzitade: Casteddu. Is sardos no podiant bìvere in su Casteddu, ma petzi in sos apendìtzios (Stampaxi, Biddanoa, Lapola), e si carchi sardu fiat agatadu a intru de is muros a ghennas serradas (est a nàrrere a su note), fiat acumpangiadu a foras, ghetadu dae sa Turre de Santu Francau (o de carchi àtera).

In su 1324 is Catalanos ant cunchistadu sa Sardigna pisana, fundende una tzitade in su monte de Bonàiri (est a narrere "àire bona"), ma passende giae in su 1325 in Casteddu, boghende is Pisanos e intrende·bi bividores Catalanos petzi. In sas gherras intre de Aragone e Arbaree, Casteddu dd'ant assitiada sos Arbaresos prus bortas, ma no dd'ant mai pigada.

Dae su 1410 Casteddu, chi is Catalanos nàrant "Càller" est sa capitale de unu regnu unidu, su "Regnum Sardiniae et Corsicae" (Regnu de Sardigna e Corsica). Su re est su de Aragone, apresentadu de unu bisurre o de unu guvernadore. In prus inoghe s'acorrat su Parlamentu (sos Istamentos). Tando bi depìant esser unos 10.000 abitantes.

Fintzas a sa gherra tzivile de su 1700-1714 sa Sardinna est abarrada a suta de s'Aragone a in antis e de sa Ispagna a pustis, cun pagu noas pero de importu: s'universidade (1626), sa Cadirale (pisana, ma torrada a fare in stile barrocu), sa Festa de Sant' Efis, etz.

Pigada dae is Austrìacos in su 1708 e torrada a cunchistare dae sos Ispannolos in su 1717, est assinnada cun totu sa Sardigna a su Duca de Savoia in su 1720. Su primu guvernadore est istadu su barone de Saint-Rémy (su de su Bastione).

Semper abarrada cun is Savoias, oe est su cabulogu de sa Regione Autònoma de sa Sardigna de sa Repùblica Italiana.

Andamèntu Demogràfigu[modìfica | modìfica su còdighe de orìgine]

Sos Bighinados de Casteddu[modìfica | modìfica su còdighe de orìgine]

Bighinados Antigos[modìfica | modìfica su còdighe de orìgine]

  • Casteddu de susu
  • Stampaxi
  • Biddanoa
  • Lapola

Bighinadu Nou[modìfica | modìfica su còdighe de orìgine]

  • Tuvixeddu - Tuvumannu
  • Is Mirrionis
  • La Vega
  • Fonsarda
  • Sant'Alenixedda
  • Santu Beneditu
  • Genneruxi
  • Monte Urpinu
  • Monte Mixi
  • Bonairi
  • Sant'a Tènnera
  • Mulinu Beciu
  • Santu Migheli
  • Barraca Manna
  • Is Campus - Is Corrias
  • Villa Doloretta
  • Monreale
  • Santu Giosepu - Santa Teresa - Parteolla
  • Is Bingias - Terramaini
  • Monteleone - Santa Rosalia
  • Apenditziu Europeu
  • CEP
  • Poetu
  • Sa Prama
  • Apenditziu de su Sole
  • Santu Bartolomeu
  • Sant'Elias

Àteros progetos[modìfica | modìfica su còdighe de orìgine]

Acàpios de foras[modìfica | modìfica su còdighe de orìgine]