Catherine (videojocu)

Articulu in nugoresu

Catherine (キャサリン Kyasarin?) est unu videojòcu a tìntas horror, platform e adventure chin carchi lèpiu elementu eroticu, postu in isvilùpu e prubicàu dae Atlus pro PlayStation 3 e Xbox 360. Su videojocu est su primu titulu de s'Atlus a èsser isvilupàu pro sa zenerassione de sete in HD (arta definissione). Sa parte anime de su jocu l'at curada su STUDIO 4°C. Su jocu l'an prubicau in Giappone in su 17 de febràrju de su 2011 e in America de su Nord in su 26 de trìbulas de su 2011. Sa Deep Silver at prubicau su jocu pro sos istados chi fachen parte de sa regione PAL (Asia, Africa, Australia, Zelanda Nova e Europa) in su 10 de febrarju de su 2012.

S'istòria zirat in tundu a Vincent Brooks, un'inzenièri de trintaduos annos chi dae càrchi tempus in su note fachet bisòs malos in ube, nànchi, est posta in arrìscu fìntzas sa bida reale sua e, comente chi non bastàret, depet fìntzas gestìre una relatzione chin duas feminas, s'una s'amoràda de semper chi si cheret cojubàda chin issu (Katherine), e s'attera un'antzèdda de bintiduos annos chi chi b'intrat comente nudda in sa bida de Brooks ponèndelu in seria difficurtade.