Christopher Meloni

Dae Wikipedia, s'entziclopedia lìbera.


Articulu in campidanesu


Meloni in su 2011

Christopher Peter Meloni (Washington, 2 de arbili de su 1961) est unu attori stadunidensi, prus nomenau a sa genti po is suas interpretazionis de su sociopaticu Chris Keller in sa serie televisiva de sa HBO Oz, e in su rolu de su detective Elliot Stabler in sa serie televisiva de sa NBC Law & Order: Unità vittime speciali.

Biografia[modìfica | modìfica su còdighe de orìgine]

Meloni est de origini italiana (sarda) de su babbu e francu-canadesa de sa mama. Nasciu a Washington D.C., at studiau a sa St. Stephen's School (immoa St. Stephen's e St. Agnes School) e a s'Universidadi de su Colorado a Boulder, auba at cumenciau po sa primu borta a studiai recitazioni, e auba s'est laureau in su 1983 in istoria. A pustis de sa laurea, Meloni est andau a New York, auba at sighìu is studius paris a Sandford Meisner a sa Neighborhood Playhouse.

Carriera[modìfica | modìfica su còdighe de orìgine]

Meloni primu de cumenciai a recitai at traballau comenti manobru. Is primus tempus recitaat a s'Universidadi de su Colorado a Boulder, auba iat studiau. At peri traballau comenti "betta a foras", barman e personal trainer. Est connottu a sa genti po su rolu de su Detective Elliot Stabler in sa serie televisiva Law & Order: Unità Speciale , ma s'est fatu notai peri in sa parti de Chris Keller in sa serie Oz .

Meloni est apparessiu in medas piticas series tv e in rolus prus piticus in medas film, comenti in L'esercito delle 12 scimmie . Su suu primu rolu craru est su de unu segamentu de conca, fillu de unu mafiosu, in su thriller lesbicu Bound - Torbido inganno (1996), e est apparessiu peri cun Julia Roberts in su film Se scappi ti sposo.

In su 1998 at fatu una parti pitica in su film de Terry Gilliam "Paura e delirio a Las Vegas", faendu una pitica ma importanti scena cun Johnny Depp.

Ma sa nomenada est bennia candu at interpretau su controvertiu personaggiu sociopaticu bisessuali Chris Keller, in sa serie televisiva Oz . Su rolu pediat ca issu depiat donai sempri basus passionalis e approppoddamentus cun atrus ominis, e medas scenas de nudu de palas o peri totali de a innantis e peri scenas auba pisciada in is siccias. Su personaggiu cruu de Meloni e is suas reazionis cumpraxentis po sa sessualidadi de su personaggiu, attirat s'interessi de s'imprenta e is fans, in manera particolari de sa comunidadi gay. In su 1999, brullandu cun su collega Lee Tergesen (s'attori ca fait su fanceddu suu in Oz ), si furint donaus unu basu a sa premiazioni de is GLAAD Media Awards. Su produsidori de Law & Order Dick Wolf,corpìu de cantu fudi bravu a recitai, ddiat fatu firmai a Meloni unu cuntrattu po sa serie Unità Vittime Speciali , auba at traballau fincias a sa 12a stasoni.

De su 2012 est in su cast de sa serie televisiva True Blood, pigandu parti a sa quinta stasoni in su rolu de su forti vampiru Roman Zimojic.

Vida privada[modìfica | modìfica su còdighe de orìgine]

Meloni est cojau cun Doris Williams (una scenografa). Issus cumpartint paris, sempri, is domus ca tenint a New York e Los Angeles, e tenint duus fillus: una filla ca nanta Sophia Eva Pietra, nascia su 23 de marzu de su 2001, e unu fillu ca nanta Dante Amadeo, nasciu su 2 de gennargiu de su 2004.

De su 2012, Meloni bivit in New Canaan in su Connecticut.[1]

Parti de sa filmografia[modìfica | modìfica su còdighe de orìgine]

Cinema[modìfica | modìfica su còdighe de orìgine]

  • Amnesia investigativa (Clean Slate ), regia de Mick Jackson (1994)
  • Junior , regia de Ivan Reitman (1994)
  • L'esercito delle 12 scimmie (12 Monkeys ), regia de Terry Gilliam (1995)
  • Bound - Torbido inganno (Bound ), regia de is fradis Wachowski (1996)
  • Paura e delirio a Las Vegas (Fear and Loathing in Las Vegas ), regia de Terry Gilliam (1998)
  • Se scappi ti sposo (Runaway Bride ), regia de Garry Marshall (1999)
  • Wet Hot American Summer , regia de David Wain (2001)
  • American Trip - Il primo viaggio non si scorda mai (Harold & Kumar Go to White Castle ), regia de Danny Leiner (2004)
  • Harold & Kumar Escape from Guantanamo Bay , regia de Jon Hurwitz e Hayden Schlossberg (2008)
  • Come un uragano (Nights in Rodanthe ), regia de George C. Wolfe (2008)
  • Brief Interviews with Hideous Men , regia de John Krasinski (2008)
  • Carriers - Contagio letale (Carriers ), regia de Àlex Pastor e David Pastor (2009)
  • L'uomo d'acciaio (Man of Steel), regia de Zack Snyder (2013)

Televisioni[modìfica | modìfica su còdighe de orìgine]

  • Scuola di football (1st & Ten ) – serie TV, 11 episodius (1989-1990)
  • The Fanelli Boys – serie TV, 19 episodius (1990-1991)
  • Storia di ordinaria violenza (In a Child's Name ) – film TV, regia de Tom McLoughlin (1991)
  • I Dinosauri – serie TV, 11 episodius (1991-1994) - Boxi
  • The Boys – serie TV, 6 episodius (1993)
  • Misery Loves Company – serie TV, 8 episodius (1995)
  • NYPD - New York Police Department (N.Y.P.D. ) – serie TV, 5 episodius (1996-1997)
  • Leaving L.A. – serie TV, 6 episodius (1997)
  • L'ultimo padrino (The Last Don ) – miniserie TV (1997)
  • Ogni nove secondi (Every 9 Seconds ) – film TV, regia de Kenneth Fink (1997)
  • Obiettivo Terra (Target Earth ) – film TV, regia de Peter Markle (1998)
  • Law & Order - I due volti della giustizia – serie TV, 2 episodius (2000)
  • Martha M. - Diario di un omicidio (Murder in Greenwich ) – film TV, regia de Tom McLoughlin (2002)
  • Oz – serie TV, 38 episodius (1998-2003)
  • Scrubs - Medici ai primi ferri – serie TV, 2 episodius (2003)
  • Law & Order: Unità vittime speciali (Law & Order: Special Victims Unit ) – serie TV, 272 episodius (1999-2011)
  • True Blood - serie TV ( 2012- in cursu)

Doppiadoris italianus[modìfica | modìfica su còdighe de orìgine]

  • Massimo Rossi in: Law & Order: Unità vittime speciali
  • Gianluca Tusco in: Scrubs - Medici ai primi ferri
  • Vittorio De Angelis in: Se scappi ti sposo
  • Massimo Lodolo in: Bound - Torbido inganno
  • Mauro Gravina in: L'esercito delle 12 scimmie
  • Franco Mannella in: Paura e delirio a Las Vegas
  • Vittorio Guerrieri in: NYPD - New York Police Department
  • Marco Mete in: Come un uragano
  • Fabrizio Temperini in: Oz (s. 2-4)
  • Roberto Pedicini in: Oz (s. 4 ep.3-16)
  • Pasquale Anselmo in: Carriers - Contagio letale
  • Francesco Pannofino in: American Trip - Il primo viaggio non si scorda mai

Notas[modìfica | modìfica su còdighe de orìgine]

  1. Christopher Meloni Picks Up Safe Haven in the Suburbs[ligàmene interrùmpidu], Sarah Firshein, su 27 de Cabudanni de su 2012

Ligas esternas[modìfica | modìfica su còdighe de orìgine]