Claudia Aru

Dae Wikipedia, s'entziclopedia lìbera.
Jump to navigation Jump to search

Provintzia de Casteddu-Istemma.png
Articulu in campidanesu
Provintzia de Casteddu-Istemma.png

Claudia Aru
Orìgine Biddacidru, Sardigna
Gènere musicale World Music
Jazz
Swing
Country
Etichetas nootempo
Matriota productions
Artistas assotziados Bentesoi
Arrogalla
Rossella Faa
Elena Ledda
Joe Perrino
Sa Razza
Don Leone
Varijashree venugopal

Claudia Aru (...) est una cantadora sarda. Cun sa scritura de cantzonis e mùsica e un'atividadi notàbbili de cuncertus tenit una carriera intensa chi at biu fintzas sa partecipatzioni a acuntessimentus in Osaka, Pechino e Shangai e sa collaboratzioni cun atrus artistas sardus de importu mannu[1].

Biografia[modìfica | modìfica su còdighe de orìgine]

A pustis de si laureai in s'Universidadi de Bologna in stòria de s'Arti, at bìviu de su 2002 a su 2005 in Barcellona, innui at studiau mùsica in sa scola "Taller de Musics".[1][2] A pustis, at bìviu in New York e in Roma e est torrada in Sardìnnia in su 2008, innui at fundau su progetu Bentesoi, cun Arrogalla, chi at pubblicau duus Album, Tripland e Folk You. In su 2012 inghitzas sa carriera sua de solista pubblichendi s'album Aici cun s'eticheta Nootempo chi iat giai prodùsiu is album de is Bentesoi. S'album bessit a pustis de su sìngulu omònimu e in paris cun un'atru sìngulu, Burdu bu. Totus is testus de s'album funt scritus de issa etotu e sa mùsica est cumposta in collaboratzioni cun Marcello Pilleri chi sonat sa ghitarra e su banjo e cun Matteo Marongiu a su contrabbassu. In su 2013 bessit su segundu album, A giru a giru.[2]

In su 2015 bessit su sìngulu Su Tasinanta, sighiu de s'album Momoti, chi pigat su nòmini de sa criadura de fantasia de s'immaginàriu sardu e chi unas cantas pubblicatzionis ant definiu cummenti s'album de sa maduresa de s'artista[2][3]. In su mesi de ladàmini de su pròpiu annu, bincit su Prèmiu Andrea Parodi po sa mellus interpretatzioni[2][4].

In su 2016 at cantau cun su grupu suu in Osaka, Giaponi, in un'acuntessimentu organizau de s'Istituto Italiano di Cultura. S'ocasioni dd'at ispirau sa creatzioni de su vìdeu po sa cantzoni Oi mi scidu chitzi, bessiu in su 2017.[5] Sèmpiri in su 2016 est stètia candidada a sa Targa Tenco[6].

In su 2019 pubblicat s'album Aru, innui contat cun ironia e crìtica su mundu de provìntzia.[7]

Discografia[modìfica | modìfica su còdighe de orìgine]

Album[modìfica | modìfica su còdighe de orìgine]

  • 2008 - Tripland, cun is Bentesoi
  • 2010 - Folk you!, cun is Bentesoi
  • 2012 - Aici
  • 2013 - A giru a giru
  • 2015 - Momoti
  • 2019 - Aru

Sìngulus[modìfica | modìfica su còdighe de orìgine]

  • 2012 - Aici
  • 2012 - Burdu Bu
  • 2015 - Su Tasinanta
  • 2016 - La canzone dell'estate
  • 2017 - Oi mi scidu chitzi
  • 2019 - BHGAI

Riferimentus[modìfica | modìfica su còdighe de orìgine]

  1. 1.0 1.1 (IT) BluesMarty, Claudia Aru Biografia, in Esprimere l'istinto dell'anima, 3 ghennàrgiu 2018. URL consultadu su 17 maju 2020.
  2. 2.0 2.1 2.2 2.3 (IT) Claudia Aru, in Brincamus. URL consultadu su 17 maju 2020.
  3. (IT) Momoti non mi fa paura: conosciamo Claudia Aru - Sardegna Creativa, in Sardegna Creativa, 10 freàrgiu 2016. URL consultadu su 17 maju 2020.
  4. (IT) Fondazione Andrea Parodi, PREMIO ANDREA PARODI 2015 (PDF).
  5. (IT) #VideodellaSettimana! Oi Mi Scidu Chitzi, in Brincamus. URL consultadu su 17 maju 2020.
  6. (IT) Targhe Tenco 2016: in lizza anche Claudia Aru e Claudia Crabuzza, in Brincamus. URL consultadu su 17 maju 2020.
  7. (IT) ARU - Claudia Aru, Matriota Records 2019, in La musica in Sardegna, 16 santugaine 2019. URL consultadu su 17 maju 2020.

Acàpius esternus[modìfica | modìfica su còdighe de orìgine]

Controllu de autoridadeMusicBrainz 7e2d796b-fad5-4fa9-bf8e-f211bf8ced4b