Contea de Nitza

Artìculu in LSC

Mapa de sa contea de Nitza

Sa contea de Nitza, chi puru si nùmenat su Paisu Nitzardu (in nitzardu: Countea de Nissa (o Comtat de Niça) Pais Nissart;in otzitanu: Contea de Nissa, País Niçard; in frantzesu: Comté de Nice, Pays Niçois; in italianu: Contea di Nizza, Paese Nizzardo), est una regione istòrica de Otzitània, in s'estu, a s'inghìriu de sa tzitade de Nitza e chi s'iscàmpiat intre su mare Mediterràneu (costera Azula), su riu Var e sa costera de su sud estremu de sas Alpes. A primìtziu fiat una parte de sa contea antiga de Proventza; a pustis, partende dae su 1388 est istada una parte de su ducadu de Savoja (chi est divenida su Regnu de Sardigna-Piemonte in su 1720). At pigadu su nùmene de contea de Nitza in una data no pretzisada a pustis de s'achirimentu in Savoia. Est istada integrada in sa Frantza su 1860. Dae tando, forma sa cussòrgia frantzesa de Nitza, chi est sa parte majore de su dipartimentu de sas Alpes Marìtimas; noantimes si mantenet su nùmene de contea de Nitza pro designare custa regione culturale e istòrica, sa cale personalidade est forte meda.

Sa capitale sua est sa tzitade de Nitza. Su gentilìtziu est niçard, -a. Sa populatzione est de unos 510 mìgia bividores.

A livellu istòricu, su Printzipadu de Mònacu est incravadu in intro de sa contea de Nitza, ma non nde faghet parte. Sa tzitade de Menton cun sos intorinos suos, faghiat parte de su Printzipadu de Mònacu (finas a su 1861, cando sunt istados achiridos dae sa Frantza).