Contrabandu

Dae Wikipedia, s'entziclopedia lìbera.


Articulu in logudoresu

Su contrabandu est unu tràfigu illìtzitu de mercantzias intre Istados e nassiones diferentes sena su pagamentu de sas godetas duanales o in rebellia a sa règulas chi lìmitant su cumèrtziu de benes determinados; sas mercantzias ozetu de contrabandu podent esser, pro narrer:

  • benes de cunsumidura: zigarretas, arcòligos, bestimenta;
  • benes istratèzigos: armas o matèrias primas;
  • trassicadores: opiàtigos, cocaìna, hassis;
  • animales raros, òperas de arte, benes archeolòzigos aproghilende dae furas o istofaduras illegales.

Su contrabandu est istadu semper cuntrastadu dae sos diferentes Istados a mèdiu de su cuntrollu de sas làcanas e peri lezisraduras chi prebident penalidades dinarencas e presonales.

Su contrabandu de zigarretas in Itàlia[modìfica | modìfica su còdighe de orìgine]

In sos annos setanta de su sègulu coladu, su contrabandu de zigarretas, chi aproghilaiat su prus dae s'Apùlia, “puntu de arribada” de custa atividade, nch'aiat sizidu livellos de economia atzuvada ch'imboligaiant unu nùmeru mannu de pessones, mescamente in sas tres tzitades a ue faghiant referèntzia sas rotas de intrada a su paìsu: Nàpule, Benètzia e Zènova. S'economia narada fiat tollerada ampramente in unu tempus de crisis econòmiga grae dae sas fortzas de seguràntzia in su nùmene de s'”amortizadore sotziale”, cun s'intentu de prebenner crìmines prus graes dae bandas de sas pessones imboligadas in su tràfigu. Difatis, sas operaduras de iscàrrigu in bidda acontessiant suta de sos ogros de totu sa zente e sas imbarcaduras etotu fiant seguradas sena castigadas in sos portos (francu in Benètzia, in ue chie si siat las podiat segurare a curtzu de su portale de domo). Sas imbarcaduras naradas moiant zenerarmente a de note in nùmeru mannu e in su matessi tempus essende dae su mare territoriale, foras de su cale las isetaiant naes-carretones bentulende banderas umbra e, a pustis de carrigare, torraiant a bidda topende fitianu cun cuntrollos de sa polima fisgale.