Corsica Ferries - Sardinia Ferries

Dae Wikipedia, s'entziclopedia lìbera.
Maga express five

Sa Corsica Ferries Sardinia Ferries est una cumpanzia de navegadura chi pertenet a Pascal Lota s’imprendidore corsiganu e s’òcupat de su trasportu de pessones e beìculos.

Formada dae una frota de 13 trasbordadores intre naes tradissionales e reghentes, Cruise Ferries, cun sas lìnias suas de trasbordadores moende dae sos portos printzipales de su Mare Mesuterranu, che Nitza, Tulone, Saona Vado, Libornu e Tzivitabetza, trasportat onzi annu addae de tres milliones de passizeris dae sa Frantza continentale chirru a sa Còrsiga e dae s’Itàlia continentale cun destinu a Còrsiga e Sardinna.

A s’agabu de su 2.008, sa sotziedade at comporadu su pachete de majoria de sa sotziedade Strade Blu, una cumpanzia marìtima nàschida pro su trasportu de mercantzias intre s’Itàlia de su nordu e sa Sitzìlia, e nd’at tramudadu su terminale operativu dae Zènova Voltri a Saona Porto Vado, mantenende sa lìnia de mercantzias cun sa Sitzìlia e annanghende una lìnia noa intre Libornu, Terranoa e Casteddu.