Cortes Apertas

Articulu in logudoresu

Cortes Apertas est una manifestada chi bi at a accabu de chida tra Capidanne e Nadale in 27 Comunas de sa Provìntzia de Nùgoro. Cada chida, ind una bidda, sas domos istoricas aperin sas cortes suas, e in cue si daet su cumintzu a unu percussu enogastronomicu e artisticu. In intro de sas paritzas cortes, figuran sos mistieris traditzionales, comente su traballamentu de sa lana, sa tribuladura, sa pulidura e sa regorta de tricu, mentras chi in sas prattas de bidda si fachen ispettaculos de ballos e cantos populares. A carchi annu e passa, sa manifestada est bènnia a diventare pro sas biddas unu de sos appuntamentos chi tenen prus importu in s'istajone turistica, fachèndebi accudire milli e milli atteros, siat sardos siat istranzos.

Sa manifestada est nàschia in su 1996 in Ulìana, grassias a s'imprendidore Luigi Crisponi. Sa punna fit de torrare alinu a sas cortes, dommos e tzentros istoricos de sas biddas, chi s'ispopulamentu (grae meda peri tottu sa Sardigna) est uchidende a bellu a bellu, e fintzas pro dare cara a su turismu de intro ind un'istajone comente cussa de attonzu.