Destrudo

Dae Wikipedia, s'entziclopedia lìbera.
Bae a: navigadura, chirca

Nùgoro-Istemma.png
Articulu in nugoresu
Nùgoro-Istemma.png

Destrudo o fintzas destrado est unu faveddu chi at imbentau su psicoanalista italianu Edoardo Weiss in su 1935 pro inditare, sichinde sa psicologia freudiana, s'energia de su boleu destruidore e, pro natura sua, est un'ispinta chirriadora.

Sa destrudo est a s'imbesse de sa libido. Difatis, mentras sa libido est s'istimulu a sa vida e a criare, un'energia chi benit dae Eros, sa destrudo est s'istimulu a sa morte e a destrùghere, s'essentzia de Thanatos.

Secund'e su chi aiat nau Sigmund Freud, si la podet definire che istintu chi est in sas intragnas de cadaunu e chi punnat a s'annichilàda de issu etottu.

S'ideada de su cuntzettu benit dae s'epoca chi fit appenas sichìa a sa prima gherra mundiale e dae sa chirca de ispiegare su chi fachian sos chi fin torraos dae sa gherra, patinde a s'ispissu carchi trauma profundu o fintzas istrobbu (s'istrobbu de istress post-traumaticu, pro esempiu).

Su cuntzettu de destrudo est unu de sos prus misconnottos de Freud; su faveddu aiat fattu sa prima cumparta in s'opera "Su Deo e su Es" (titulu orizinale: Das Ego und das Es) de su 1922, ma poi non si aiat torrau a bìere.