Die Mundiale de sa Diversidade Culturale pro su Diàlogu e s'Isvilupu

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Sa Die Mundiale de sa Diversidade Culturale pro su Diàlogu e s'Isvilupu est una die chi si festat su 21 de maju de onni annu dae su 2003, istituida dae s'Assemblea Generale de is Natziones Unidas su 20 de su mese de idas de su 2002.

Proclamatzione

Sa proclamatzione est nàschida comente a initziativa pro marcare e promòvere sa diversidade culturale e su diàlogu interculturale a livellu globale, in risposta a sa Decraratzione Universale pro sa Diversidade Culturale de s'UNESCO de su 2001, chi at identificadu sa diversidade culturale comente a patrimòniu de s'umanidade e tira de s'isvilupu sustentìbile.

Tzelebratzione

Custa die est si tzèlebrat onni annu, su 21 de maju, a incumentzare dae su 2003. Is eventos e is fainas in totu su mundu includent cunferèntzias, espositziones artìsticas e campànnias de educatzione chi punnant a auntzare unu diàlogu interculturale prus fundudu. Sa tzelebratzione bolet ammanniare s'importu de sa diversidade culturale comente a aina essentziale pro otènnere sa paghe e s'isvilupu sustenìbile. Tzelebrende·dda, sunt istadas isvilupadas diversas initziativas globales, che sa campagna "Faghe unu gestu pro sa diversidade e s'inclusione" chi istìmulat sa partetzipatzione ativa a sa promotzione de sa diversidade. Custos eventos ant favorèssidu s'amparu de su patrimòniu culturale immateriale e s'afortiamentu de s'indùstria creativa comente fundamentu de s'isvilupu econòmicu e sotziale.