Editto delle Chiudende

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

« Tancas serradas a muru,

fattas a s’afferra afferra,

si su chelu fit in terra,

che l’aian serradu puru »


S’editto delle chiudendeedittu de sas chiudendas in sardu), fiat una reforma agraria chi, emanada in su 1820 da su re de Sardigna Vittorio Emanuele I, at permissu in Sardigna de faghere sas tancas serrende sos terrinos, chi finas a tando fint a cumone. Gai est istada introduida sa propiedade privada, cun s’iscopu de modernizzare (mezorare) e iviluppare s’agricoltura.

Reformas de gai fint istadas fattas in ateras partes de s’Europa, comente a esempiu in s'Inghilterra, in ue sas tancas fin jamadas enclosures. Su fattu est peroe chi in Sardigna, sa reforma agraria de sos sabaudos, no aiat tentu contu de su fattu chi non si podiat faghere sa propiedade perfetta proite bi fit ancora su feudalesimu.

In tzertas biddas de s'isula (in Logudoro e in Campidanu) sa leze calicunu l’aiat accolta cun s’isperanzia de mezorare, finas pro fu fattu chi b’aiat meda massajos e, serrendesi su logu, podiant istare pius serenos ca no bi fit su periculu chi b’intrerant bestiamine, ma custos fint pagos, sa prus parte de sa zente non fit cuntenta.

In sas Barbagias e in Ozzastra sa cosa non fit atzetada pro nudda proite privatizende sos terrinos, chi poi fint sos pasculos, sa risorsa principale de sa zona issoro, sos pastores aiant ite malu passare.

A manu a manu chi sos cambiamentos beniant postos in essere, sas protestas e sas atziones de sabotaggiu aumentaiant. Zente meda, chi fit abbarrada chena nudda, aiat cominzadu a bandidare. Tando sos Sabaudos aiant acontzadu s’edittu in su 1830 e in su 1831, ma su malumore fit meda, in custos annos est chi Melchiorre Murenu aiat cantadu custos versos chi sunt subra.

Boghes curreladas[modìfica | modìfica su còdighe de orìgine]