Escola de Alguerés Pascual Scanu
Articulu in logudoresu
Sa Escola de Alguerés Pascual Scanu (in sardu "Iscola de s'Aligaresu Pascale Iscanu") est un'iscola de cadelanu s'aligaresu fundada in su 1982 dae Josep Sanna e Pasqual Mellai cun sa punna de imparare su limbazu a sa zenerassione noa. Si faghen classes de limba, literadura e istoria, e tottus sas letziones sun de badas. S'imparu si faghet in s'aligaresu, in logu de s'istandard bartzellonesu, a manera de torrare a iscobèrrer una sienda lessicale e morfolozica chi si fit isperdende. S'iscola traballat cun atteros assotzios e entes culturales s'aligaresos, comente s'Obra Cultural de l'Alguer.
Su nùmene de s'iscola cheret ammentare a s'iscritore e limbista s'aligaresu Pascale Iscanu (Pascual Scanu), attivista po su mantenimentu de sa cultura cadelana de s'Alighera.
A commo su direttore de s'iscola est su preide Antoni Nughes, incarrigadu fintzas de iscrìer articulos po su paperi L'Alguer e de fagher missa in cadelanu.