Frank Drake
Limba Sarda Comuna. Abbàida sas àteras bariedades gràficas:
Frank Donald Drake (Chicago, 28 maju 1930 - Aptos, 2 de Cabudanne 2022) est istadu unu astrònomu e astrofìsicu istadunidensu.
Est connotu pro àere fundadu in pari cun Carl Sagan su SETI[1] e pro s'ecuatzione chi portat su nòmine suo (ecuatzione de Drake), referida a sa possibilidade de s'esistèntzia de formas de vida inteligente extra-terrestre.[2]
Giovanesa e istrutzione
[modìfica | modìfica su còdighe de orìgine]Giai a giòvanu, Drake amaiat s'eletrònica e sa chìmica. Contat de àere cunsideradu sa possibilidade de s'esistèntzia de vida in àteros pranetas giai a s'edade de oto annos, ma non at chistionadu de custa idea cun sa famìlia sua o is maistros pro more de is ideologias religiosas fortes chi esistiant.
S'est iscritu a sa Cornell University gràtzias a una bursa de istùdiu in eletrònica. In cue at incumentzadu a istudiare astronomia. Is ideas suas in contu de sa possibilidade de s'esistèntzia de vida extra-terrestre sunt istadas afortiadas cando at lèghidu un'iscritu de s'astrofìsicu Oto Struve in su 1951. A pustis de su college at traballadu pro pagu tempus in su campu de s'eletrònica e posca s'est laureadu in ràdiu-astronomia in s'Universidade de Harvard.[3]
Carriera
[modìfica | modìfica su còdighe de orìgine]Drake at incumentzadu sa carriera sua cun sa chirca ràdiu-astronòmica in su National Radio Astronomy Observatory (NRAO), in Green Bank, Virginia Otzidentale e a pustis in su Jet Propulsion Laboratory. At fatu misuratziones de importu chi ant rilevadu sa presèntzia de sa magnetosfera e de s'ionosfera gioviana.
In su 1960 Drake at giutu sa prima chirca ràdiu de un'abbistesa extra-terrestre, connota comente Progetu Ozma. No est istada agatada peruna evidèntzia de sinnales alienos. Drake cunsideraiat su “cuntatu” a suta de forma de sinnales luminosos o ràdiu inevitàbile in is annos benidores.[2] In su 1961, paris a J. Peter Pearman, at organizadu sa prima cunferèntzia a pitzus de su SETI in su NRAO. Inoghe at propostu a unos dòighi iscientziados s'ecuatzione sua famada, unu tentativu de carculare su nùmeru de tziviltades extra-terrestres inteligentes presentes in sa Galàssia nostra chi diamus a pòdere pensare de cuntatare. Su problema beru in su càrculu de custu nùmeru est in su pagu connoschimentu chi tenimus de is fatores de custa ecuatzione.
Drake at pigadu parte a is primos istùdios de is pulsar, est istadu professore in sa Cornell University (1964-1984) e diretore de s'Osservatòriu de Arecibo.
In su 1972 at disenniadu in pari cun Carl Sagan sa piastra collocada in is sondas Pioneer 10 e 11, su primu messàgiu fìsicu imbiadu in s'ispàtziu. Sa piastra est istada progetada pro dda pòdere cumprendere un'extra-terrestre chi dd'agataret, mentras in su 1974 at iscritu su Messàgiu de Arecibo, imbiadu cara a s'Ammassu Globulare de Ercole, a 25.000 annos lughe dae sa Terra. De sighida at coordinadu fintzas sa creatzione de su Voyager Golden Record.[2] In su 1974 est istadu elègidu in s'American Academy of Arts and Sciences.[4]
Drake est istadu su presidente de sa Sotziedade astronòmica de su Patzìficu, est unu membru de s'Acadèmia Natzionale pro is Sièntzias e est impinnadu in su Progetu Phoenix, ligadu a su SETI.[3]
Est professore meritosu de astronomia e astrofìsica a s'Universidade de sa Califòrnia, in ue est istadu fintzas prèside de Sièntzias naturales (1984-88).[5]
Onores
[modìfica | modìfica su còdighe de orìgine]A Drake est istadu dedicadu unu planetàriu in sa Norwood High School, a Norwood in Ohio.[6]
Dd'ant dedicadu un'asteròide, 4772 Frankdrake .[7]
Riferimentos
[modìfica | modìfica su còdighe de orìgine]- ↑ (EN) An Interview with SETI Founder Frank Drake, csicop.org. URL consultadu su 28 làmpadas 2014.
- 1 2 3 (EN) Only a matter of time, says Frank Drake, Cosmos. URL consultadu su 28 làmpadas 2014 (archiviadu dae s'url originale su 28 freàrgiu 2014).
- 1 2 (EN) Frank Drake CV (PDF), Seti Institute. URL consultadu su 28 làmpadas 2014 (archiviadu dae s'url originale su 20 santandria 2023).
- ↑ (EN) American Academy of Arts and Sciences (AAAS), Università di Santa Cruz. URL consultadu su 28 làmpadas 2014 (archiviadu dae s'url originale su 16 martzu 2021).
- ↑ (EN) Dr. Frank Drake, Universidade de sa Califòrnia. URL consultadu su 28 làmpadas 2014.
- ↑ (EN) The Drake Mission drakeplanetarium.org
- ↑ (EN) M.P.C. 91790 de su 5 ghennàrgiu 2015
Àteros progetos
[modìfica | modìfica su còdighe de orìgine]
In Wikimedia Commons ddoe at immàgines o àteros archìvios de Frank Drake
Ligàmenes esternos
[modìfica | modìfica su còdighe de orìgine]- (EN) Frank Drake, in britannica.com.
- (EN) Biografia de Frank Drake, in Internet Speculative Fiction Database.