Gaelicu Irlandesu

Dae Wikipedia, s'entziclopedia lìbera.


Articulu in logudoresu

S'Irlandesu o Gaelicu Irlandesu (Gaeilge in Irlandesu) est una limba tzèltica, ofitziale in sa Repubrica de Irlanda. Sa connoschentzia de custa limba si fit perdende pro neghe de su domìniu de s'inglesu (chi est una limba germanica) in s'isula.

S'Irlandesu, in pare a s'Iscotzesu e a su Gaelicu de Man, faghet parte de su rampu Goidelicu de is limbas tzelticas, e tenet sa literadura prus antiga de s'Europa a pustis de s'Aregu e de su Latinu.

In totu s'isula, bi sunt unas 100.000 persones petzi, chi faeddant su gaelicu comente limba mama, e s'agatant prus de totu in cussas terras nomenadas Gaeltachtaí. In prus de 4 miliones de bividores, 1.600.000 ischint faeddare sa limba, su rastu podet petzi cumprendere pagas cosas o tenet petzi una connoschentzia generale de sa limba.

S'Irlandesu est obrigatoriu in is iscolas pubricas e bi l'ant dedicadu fintzas unu canale de telebisura, TG4.

Comente totus is limbas, fintzas s'Irlandiesu tenet dialetos populares, su de susu (Ulaidh o Dun na Ngall) su tzentrale (Connachta) e su de josso (An Mhumhain).

Acapius[modìfica | modìfica su còdighe de orìgine]