Gals!

Dae Wikipedia, s'entziclopedia lìbera.


Articulu in nugoresu

Gals! est unu manga shōjo de Mihona Fujii, chi s'imprentadore Shūeisha at publicàu in su paperi Ribon dae su 1999 a su 2002. In Italia, su manga lu at publicàu Dynamic Italia intre su 2003 e su 2004.

Dae su manga nche an fatu un'anime puru, dae su titulu "Super GALS! Kotobuki Ran" (超GALS!寿蘭 Sūpā Gyaruzu! Kotobuki Ran), chi Pierrot at produsiu e trasmitiu in Giappone, pro mediu de TV Tokyo, dae su primu de aprile de su 2001 a su 31 de martzu de su 2002. In Italia, sa serie la an fata bìer in Rai Due cun su titulu "Super GALS! Tre ragazze alla moda", trasmittinde petzi 26 capitulos; fintzas Ka-Boom, a tucare dae su 25 de Sant'Andria de su 2013, la at torrada a picare.

S'opera est fentomada pro facher bìer unu bìculu 'e bida de sas sub-culturas tzitadinas chi si respiran in sos cuarteris de Tokyo, mustrande limbazu (in forma de suspu o, pro la nàrrer a s'inglesa, slang) e usos: Gals! est duncas a meidade tra su fumetu comicu pro pitzocas chi est, e su sazu sotziologicu chi bolet esser.

Istoria[modìfica | modìfica su còdighe de orìgine]

Protagonista est Ran Kotobuki, pitzoca de 16 annos chi si narat de esser "sa gal prus manna de su mundu" e li piachet sa Para Para. Ran est totu cumbinta de poder bìver sichinde sos pretzettos eticos e esteticos de sas kogal, e pro custa resone est sa gal prus famada de Shibuya, dedicande sa bida sua totu a s'ispassiu.

Ran benit peroe dae una familia chi at fatu su politziòtu pro generatziones, difatis sos parentes e frade suo Yamato sun in politzìa, mentras sa sorre minore, dae sende minore, no bìet s'ora de sichire sa traditzione de familia; Ran invetzes, comente si podet immaginare, tenet atera cosa in conca pro su benidore suo, mancari apat picàu dae mannos suos su sentidu 'e justitzia familiare.

Sa serie zirat in tundu a sa bida de Ran e de sas amicas suas Miyu e Aya; gratzias a sa presentzia de custos duos personazos secundarios, sa serie chistionat de cosas fintzas meda dilicadas comente sos raportos familiares, su problema de sa creschida, fenomenos sotziales comente s'enjo kōsai.