Giacomo Bove

Giacomo Bove (Maranzana, 23 de aprile de su 1852 – Verona, 9 de agustu de su 1887) est istadu unu isproradore italianu.

Bida

At frecuentàdu in Maranzana e Acqui Terme sas iscolas primarias, francu tuccare a pustis a Genova, in ube at attesu a s'Accademia Navale. Picàdu su diproma chin onore, sìnche at pòtidu andare in sa nave Governolo pro partetzipare, comente bardiamarìna, a s'ispedissione issientìfica in Istremu Oriente.

In su mese de aprile de su 1877, fit in s'istrintu de Messina in sa nave Washington pro istudiare sas currentes de mare. In su 1878, at partetzipàdu a s'ispedissione de A. E. Nordenskiöld pro chircare coladòrju a Nord-Est, chin sa nave Vega.

In su 1880, aìan promòvidu a Bove a tenente de bastimentu de sa Marina Rezia.

In su 7 de làmpadas de su 1885, aìat cojubàdu a Luisa Bruzzone battìa Jaworka e in su 3 de Capidanne, in sa nave Europa, tuccabat a s'Arghentìna pro facher unu primu biazu in America de Zosso. Pro su secundu biazu, tuccabat dae Genova in su 3 de trìbulas de su 1883 in sa nave a papore Sud America.

In su 2 de Nadale de su 1885, fit andadu a isprorare su Congo in Africa e sìnche fit torradu in su 17 de Santu Gabìne de su 1886, a pustis de si àer picadu una freba mala chi nche lu at fattu rugher a disispèru. Pustis de meda dolore, aìat tando isseperadu chi fit pretzisu a si dare sa morte de manu sua in su 9 de agustu de su 1887. Su corpus est commo in pasu in su campusantu de Maranzana, in intro de sa gappella de familia sua.

Liberos

Cristoforo Negri; Giacomo Bove (1880). Idea sommaria della spedizione antartica italiana.
Giacomo Bove (1883). Patagonia – Terra del Fucco, mari australi. Rapporto ... al Comitato centrale por le esplorazioni antartiche. Tip. del R. Istituto de' Sordo-Muti. URL consultato il 31-10-2013.
Giacomo Bove (1885). Note di un viaggio nelle Missioni ed Alta Paranà. URL consultato il 31-10-2013.
Giacomo Bove; Alfonso Fresa (1940). Il passaggio del nord-est: spedizione artica svedese della "Vega". Società Italiana delle Arti Grafiche. URL consultato il 31-10-2013.
Un viaggiatore italiano in Giappone nel 1873 : il Giornale particolare di Giacomo Bove - Paolo Puddinu
Un viaggiatore italiano in Borneo. Il giornale particolare di Giacomo Bove (parte I) - Paolo Puddinu