Indipendentismu iscotzesu

Dae Wikipedia, s'entziclopedia lìbera.
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

Su indipendentismu iscotzesu (in Scots: Scots unthirldom, in gaelicu iscotzesu: Neo-eisimeileachd na h-Alba) est unu movimentu curturale e politicu chi punnat a facher de s'Iscotzia, pro como natzione de su Regnu Unìu, un'istadu indipendente soberanu.

Apozu[modìfica | modìfica su còdighe de orìgine]

S'indipendentzia iscotzesa la apozat supratottu su Partidu Natzionale Iscotzesu, ma fìntzas atteros comente su Partidu Birde Iscotzesu, su Partidu Sotzialista Iscotzesu e Solidariedade - Movimentu Sotzialista Iscotzesu.

Atteros assotzios sun s'Esertzitu de Liberassione Natzionale Iscotzesu e sos ultranatzionalistas de Siol nan Gaidheal.

Sos movimentos non sun peròe de su matessi parrer cando si arresonat de sa forma de gubernu chi un'Iscotzia indipendente dìat tènner: difattis, su Partidu Natzionale Iscotzesu bolet a nde facher unu istadu de su Commonwealth, ma su Partidu Sotzialista Iscotzesu e Solidariedade - Movimentu Sotzialista Iscotzesu cheren una repubrica indipendente.

Su fattu chi bi at àpiu unu gubernu de majorìa de su Partidu Natzionale Iscotzesu at juttu a un'appressada in su protzessu de indipendentzia de su populu iscotzesu dae sa Corona Britannica. Alex Salmond, capu de su partidu e primu ministru iscotzesu, est resèssiu a pedire a sos de Londra su permissu pro tènner unu referendum costitussionale, chi sos indipendentistas azummai binchian.