Intzidente de Vermicino

Articulu in logudoresu

S'intzidente de Vermicino fiat istadu unu casu de cròniga italiana de sos primos annos '80 de su de XX sègulos, in ue aiat pèrdidu sa bida Alfredo Rampi naradu Alfredino (nàschidu in Roma s'11 de abrile de 1.975), chi nche fiat rutu a unu putzu artesianu in via Sant'Ireneo, in sa logalidade de Selvotta, unu trighinzu minore de sartu a curtzu de Frascati, postu a longu de sa bia de Vermicino, chi aunit Roma suddu cun Frascati nordu. A pustis de belle tres dies de tentativos disintzertados de sarvamentu, Alfredino fiat mortu intro de su putzu, 60 metros in suta de sa superfìtzie.

S'acontèssida sua, chi aiat tentu meda faeddonzu, fiat istada sighida a sa dereta dae sas telecàmaras pro sas ùrtimas 18 oras, e custa cuguzadura ziornalenca aiat rènnidu su fatu de cunnoschimentu ampru a beru inche s'opinione pùbriga.