Intzidente ferruviàriu de Crevalcore

S’intzidente ferruviàriu de Crevalcore (Bolonna) si fiat dadu su 7 de ghennarzu de 2.005.

Su trenu interrezionale 2255, aproghilende dae Berona e destinadu a Bolonna, a s’artària de s’istassione de Crevalcore, si fiat addobadu a pare cun unu trenu de mercantzias trasportende bigas de ferru chi protzediat in sa deretura contrària. S’intzidente aiat provocadu sa morte de deghessete pessones; medas àteras fiant abarradas fertas in su tzocu.

Sas imbestigaduras de sa mazistradura sunt cuncruìdas in su 2.010, cun sa dimanda de imbiu a protzessamentu pro mortorzu pro incautela e disacatu pro incautela a sete aderetadores logales de RCFI.

Pro tres aderetadores de sa Deretura Cumpartzimentale de Bolonna, s’acusa est de aer ammanitzadu un’istassione de bia ùniga automatizada in sos rugramentos intre trenos sena prebider sistemas de sinzolamentu e orientamentu pro sos machinistas in su casu de bisivilidade iscassa.

A bator aderetadores de moimentu, in su matessi tempus, lis est imputada sa farta de sinzolamentu telefònigu de sa presèntzia de su trenu de mercantzias in sa lìnia.

Su protzessu est terminadu cun s’archivamentu pro sos cùcuros de RCFI e sete avertos de cuncruimentu de sas imbestigaduras, sende chi fiat istadu recunnotu s’erru umanu dupru de sos ferruviàrios chi ghaiant una de sas cumponiduras.