Irene Papas

Irene Papas
	Irene Papas in su 1956
Nàschida	3 de cabudanni de su 1926; Chiliomodi, Grètzia
Morte	14 de cabudanni de su 2022; Chiliomodi, Grètzia
Natzionalidade	grega
Còjube	Alkis Papas (1947-1951); ; José Kohn (1957-1957);
Traballu	atora, cantadora

Custu artìculu est iscritu in sa grafia

logudoresa

. Abbàida sas àteras bariedades gràficas:

campidanesu · LSC · nugoresu

Irene Papas (Chiliomodi, 3 de cabudanni de su 1926 – Chiliomodi, 14 de cabudanni de su 2022) est istada un’atora e cantadora grega.

Biografia[modìfica | modìfica su còdighe de orìgine]

Fiat nàschida in Chiliomodi, trighinzu nadiu de babu suo Stavros Lelekos, ubigadu in sa Corìntzia, una rezione de su Piluponnesu, su trighinzu nadiu de Stavros Lelekos su babu suo, cando chi mama sua Eleni Prevezanou fiat naturale de Prevesa, una bidda de s’Epiru. Sa data de nàschida bàriat cunforme a sas mitzas, peroe su prus de issas ìnditat su 3 de cabudanni de 1.926. Muzere antiga de Alkis Papas su diretore tzinematogràfigu, cun su cale si fiat cojuada in su 1.947 (nd’aiat bardadu su sambenadu pro sa carrera sua), si fiat dada a cunnoscher in s’ambiente internassionale cun sa pellìcula “Sa bidda morta” (1.952) de Frikos Iliadis in su Festivale de Cannes de 1.952. A su cumintzu de sa carrera, fiat istada finas modella in su 1.953, pro sos istilistas Vincenzo Ferdinandi e Maria Antonelli.

In su tzìnema, aiat traballadu cun èsitu in Itàlia, in ue aiat retzitadu in bàrias pellìculas, intre sas cales “Una de cuddas” (1.953), cun Aldo Fabrizi, “Las infideles” (1.953), de Steno e Mario Monicelli, “Àtila” (1.956), de Pietro Francisci. Si fiat istrenada in Hollywood interpretende su rolu de protagonista femininu in sa pellìcula de bagarzos “Sa leze de su crabistu” (1.956) de Robert Wise, a faca de James Cagney, sighida dae “Sas abenturas de sos tres muscheteris” (1.957), de Joseph Lerner. Aiat cunnotu s’èsitu suo prus mannu in sa pàtria sua in sa pellìcula “Eletra” (1.962) de Michael Cacoyannis, chi aiat finas relantzadu sa carrera sua in Hollywood e l’aiat permìtidu de partetzipare a bàrias produiduras ameriganas, che “Sos cannones de Nabarone” (1.961) de Lee Thompson, “Tzorbas su gregu” (1.964) de Michael Cacoyannis, “Mistèriu in Creta” (1.964) de James Neilson, “Sa fraternidade” (1.968) de Martin Ritt, “Anna de sas milli dies” (1.969) e galu àteras.

Controllu de autoridade

VIAF (EN) 87907248 · ISNI (EN) 0000 0001 1451 1643 · BIBSYS (EN) 99029287 · BNE (ES) XX942551 (data) · BNF (FR) cb138982291 (data) · CANTIC (CA) a10738769 · GND (DE) 123916593 · LCCN (EN) no97057570 · MusicBrainz ded5d5ce-7814-4aef-b01a-8549c3e803c1 · NKC (EN, CS) xx0215857 · NLA (EN) 36022864 · NLG (EN) 291129 · NLK (KO) KAC2020O2786 · NLP (PL) https://dbn.bn.org.pl/descriptor-details/a0000001834158 · NTA (EN) 071887156 · RERO 02-A021790973 · SBN (IT) RAVV100247 · SUDOC (FR) 06380364X · Trove (EN) 1190159 · WorldCat Identities (EN) no97-057570