Babbu nostru

Su Babbu nostru (in latinu Pater Noster, in gregu Πάτερ ἡμῶν) est sa prus connota de is pregadorìas cristianas.

Innoe unas cantas versiones:

Logudoresu

Babbu nostru chi ses in sos chelos,

santificadu siat su nomene tou,

benzat su regnu tou,

siat fatta sa voluntade tua,

comente in chelu gai in terra.

Da nos su pane nostru de ogni die,

perdona sos depidos nostros,

comente nois perdonamos a sos depidores nostros,

e no nos lessas ruere in sa tentascione,

libera nos dae su male. Amen.

Mesania (?)

Babbu nostru, chi stas in sos celos,

santificadu siat su numene tuu,

benjat a nois su rennu tuu,

siat fatta sa voluntade tua

comente in su celu in sa terra.

Dae-nos oe su pane nostru cotidianu,

perdona-nos sos peccados nostros

comente nois los perdonamus,

libera da onji tentathione

libera-nos a male. Amen.

Campidanesu

Babbu nostu chi ses in su celu

siat santificau su nòmini tuu,

bengiat a nosu s'arrènniu tuu,

siat fata sa voluntai tua,

cumenti in su celu aici in sa terra.

Su pani nostu de dònnia dì donasidd'oi

e perdonasì is pecaus nostus

comenti nosatrus ddus perdonaus a is aremigus nostus,

non si lessis arrui in sa tentatzioni

e liberanosì de mali. Amen.

Lsc

Babbu nostru, chi ses in is chelos,

santificadu siat su nòmene tuo,

bèngiat a nois su rennu tuo,

siat fata sa voluntade tua,

comente in su chelu gasi in sa terra.

Dae·nos oe su pane de onni die,

perdona·nos is pecados nostros

comente nois ddos perdonamus a is depidores nostros,

e non lessas·nos arrùere in tentzatzione,

lìbera·nos dae su male. Amen.