Istancu

S’istancu o istangu est una butega, in zenerale de dimensiones minores, nàschida pro cuntrollare sa bèndida de produtos de fumu ozetu de sos monopòlios de s’Istadu de sa Repùbriga Italiana.

Atuarmente, est possìbile a comporare medas artìgulos, comente tabacos, sale de coghina, balores bullados, cuntrassinnos telemàtigos (in antis fiant sos bullos fisgales), recàrrigas telefònigas, materiale de ufìssiu e, reghentemente, s’impreant finas de retzidorzos.

Gràssias a sa retza informàtiga de Lottomatica e de àteros cuntzessionàrios comente SISAL, sunt dispensados a sos tzitadinos servìtzios comente su pagamentu de sa binneta de s’automòbile, sa fatura telefòniga, de s’aba, de sa lughe, de s’eletritzitade, s’impòsitu subra de sos refudos, sa cuota RAI , machìtzias, eac.

A s’agabu de su milliotughentos, fiat istada cunfiada a sos istancos sa bèndida de sa chinina de s’Istadu pro orizare s’ispainadura de sa malària. Sa prerogativa narada fiat sodigada finas a pustis de su segundu pustigherra.