Istanzu de Calich

S'istanzu de Calich (istorigamente finas Kalich, in cadalanu estany del Càlic) est un’istanzu, laguna o pischera intre sas zonas ùmidas prus importantes de S’Alighera e de sa Sardinna.

S’iscàmpiat a s’intramare de S’Alighera, isterrende-si dae sa periferia de sa bidda in palas de sa praja de Maria Pia finas a su trighinzu de Fertìlia, in antis de su cale est ligadu a su mare de Sardinna dae unu canale, in ue s’agatant sos abarros de su ponte romanu. S’istanzu podet esser partzidu in sos setores de su Calich naradu propiamente, dae s’istremu otzidentale a su Riu Barca, e de su Calighet (Calicu minore), finas a s’istremu orientale. Chirru a terra, s’istanzu est inghiriadu dae su Caminu nassionale 291 “Dir del Calik”, chi su nùmene “Calik” derivat dae una cochìllia burocràtiga.

Su narrativu prus ispainadu est “Istanzu de Kalich”, peroe s’impreant aguarmente sas formas “Istanzu de su Kalich”, “Laguna de su Calich”, “Laguna di Calich” e “Estany del Càlic” in cadalanu, addae de sa forma “Kalich”. At leadu su nùmene dae s’istanzu su “Biddarzu Calich”, prima leada de s’assentadorzu fassista de Fertìlia, a no cunfunder cun s’acampadorzu “Biddarzu Calik Biaìtu”, postu in s’àteru oru de su canale.